The Title (နာမည်တစ်လုံး)

အမေပေးခဲ့တဲ့ နာမည်တော့ရှိသည်။ ကျနော်ဒါကို ဆိုလိုရင်းမဟုတ်ပါ။ လူမလေးခွေးမခန့် ဆိုသလို နာမည်မရှိသူများ ဘယ်လောက်တော်တော် နေရာမပေးကြတဲ့ အကြောင်းပါ။ ကိုယ်ကိုတိုင် နဂိုစရိုက်က နေရာယူရန် စိတ်မကူးခဲ့၊ ရှေ့တန်းမတင်ခဲ့။ ဘယ်အလုပ်ကို ဘယ်လိုပုံစံပဲ လုပ်ရလုပ်ရ လုပ်ရန် ၀င်မလေးခဲ့ပါ။

နောက် ဟုတ်ကဲ့ရပါတယ်ဆိုတဲ့ တစ်လုံးနှင့် လုပ်လိုက်ရသည့် အလုပ်များ လက်ချိုးမရေနိုင်ခဲ့ပါ။ ဒီတော့ ခိုင်းချင်သူများက ဒီအကောင် ကွမ်းယာကျွေး၊ အရက်တိုက်ရင် ဖြစ်ပါတယ်၊ (အရက်တော့ ကျန်းမာရေးအရ မသောက်တော့ပါ။) ဘယ်အချိန် နှိုးခိုင်းခိုင်းရပါတယ် စသဖြင့် စသဖြင့် ဆက်ဆံမှုများ ကြုံခဲ့ရသည်။ ဆက်ဆံခံရသူများ ရှိနေပါလိမ့်မည်။ ဒါသည်လည်း ချစ်စရာ မြန်မာစရိုက်တော့ မဟုတ်ဟု ယူဆရပါသည်။ ဟုတ်ခဲ့ရင်လည်း ပြန်လည်ပြင်ဆင်သင့်ပါသည်။ ရပါတယ်ဆိုသော စကား ကျနော် သေသေချာချာ စဉ်းစားကြည့်သည်။ တော်တော် ခနော်နီခနော်နဲ့နိုင်သော စကားလုံးဖြစ်သည်။ ရေရာသေချာခြင်း သုညရာခိုင်နှုန်းဖြင့် စကားလုံးဖြစ်သည်။ သို့သော် ထိုစကားလုံးမှာ ကိုယ့်ကိုပိုင်လိုဖြစ်နေသေးသည်။

ယခုလို စကားမျိုးဖြင့် နိုင်ငံခြားသားများနှင့် ဆက်ဆံက ပိုမိုဆိုးရွားစွာ ခံစားရပါမည်။ သူတို့ဆီမှာ မည်သည့် အလုပ်ကိုလုပ်လုပ် တင်ကြိုစည်းမျဉ်း ကန့်သတ်ချက်၊ ကနဦးဆွေးနွေးချက်ဖြင့် လုပ်ငန်းလုပ်လေ့ရှိသည်။ ကျုပ်တို့ မြန်မာစရိုက်နဲ့တော့ သူတို့ကြိုက်ပေ့ဖြစ်စေသည်။ ရပါတယ်၊ ဒါလေးများလုပ်လိုက်မယ် ဆိုပြီး လုပ်ကြသည်။ ပြီးတော့ သူသိတက်မှာပါလေ ဆိုတာက ရှိသေး။ မဟုတ်ပါ။ ခိုင်းလို့ရလျင် မည်သည့်လူ မဆိုခိုင်းပါလိမ့်မည်။ ပေးခြင်း မပေးခြင်းက ကြိုတင်သဘောတူမှုအရသာ အလုပ်ဖြစ်သည်။ အတော်များများကြုံဖူးကြပါမည်။ နားလည်မှုဆိုတာကို ဒီနေရာမှာ မေးခွန်းအဖြစ် ပြန်မေးနေစရာကို မလိုတော့ပေ။

ဆိုးသောနေရာမှာ ဖြစ်ဖြစ်၊ ကောင်းသောနေရာမှာ ဖြစ်ဖြစ် နာမည်တစ်ခုကျန်ရစ်ဖို့ နာမည်တစ်ခုရှိဖို့ လိုအပ်ပါသည်။ ဒါမှလည်း လူရိုသေ၊ ရှင်ရိုသေဖြစ်မည်။ ကျနော့် ဆရာတစ်ယောက် အဆုံးအမအရ လူတစ်ယောက်က လုပ်လည်း လုပ်ရမယ်၊ နေရာလည်း ၀င်ယူတက်ရမယ်လို့ ဆိုခဲ့တယ်။ ဒီအဆိုကို မှန်သည်ဖြစ်၊ မှားသည်ဖြစ်စေ၊ အစွန်းကျသည့်ယူဆမှုဖြစ်စေ ကိုယ့်အတွေ့အကြုံများအရ တဖြေးဖြေး လက်ခံလာမိသည်။ သို့သော် ခွေးပလ္လင်ပေါ်တက်သည့် အထိတော့ မယူဆပါ။ တန်ရာတန်ကြေး အတွက်ဖြစ်ပါသည်။

နောက် မိမိနေရာအတွက် ကြော်ငြာသင့်ရင် ကြော်ငြာရမည်၊ ကိုယ်ဒီလောက် လုပ်နိုင်သည်ကို ရဲရဲအာမခံနိုင်ရမည်။ ယနေ့ကြော်ငြာခေတ်ကြီးမှာ ကိုယ့်ကိုကိုယ်လည်း ကြော်ငြာဖို့လိုအပ်သည်။ သို့မဟုတ် ခိုင်းချင်ရာ အလကားခိုင်းဖို့၊ အောက်ဈေးနှင့် ခိုင်းဖို့ရောက်လာကြပါသည်။ ကိုယ်က အလကားမူးတင်း ရသည့်အတွက်ပါ။ တကယ့် သိက္ခာနဲ့ အခကြေးငွေနဲ့ ခိုင်းစရာများနှင့် ပတ်သက်လာလျှင်တော့ နာမည်ရှိသူက ဘယ်လောက်ဖြစ်ကတတ်ဆန်း လုပ်လုပ် သွားအပ်ကြပါသည်။ ဒါသည်လည်း နာမည်ကြောင့် ဖြစ်သည်။

ကျနော်ရဲ့ အခုပို့စ်ကို ဖတ်သူတွေ ကျနော်ကို မုဒိတာမပွားနိုင်သူ၊ အဆိုးမြင်ဝါဒီ၊ မကောင်းမြင်သမားလို့ ထင်မြင်ယူဆနိုင်ပါသည်။ သို့သော် ထိုသို့ဖြစ်လာရန် ထိုထိုလူများက ထိုထိုအကြောင်းအရာများနှင့် ဆက်ဆံခဲ့၍သာ ယခုကဲ့သို့ ဘက်ကန်သော အတွေးများ၊ ပြုမူချက်များဖြစ်လာရသည်။ သို့သော် အရင်းစစ်က အမြစ်မြေဆိုသလို ကိုယ်ကိုတိုင်က ညံ့ခဲ့၍သာဟု နောက်ဆုံးကောက်ချက်ချမိပါသည်။

ကျွန်ုပ်အတွက် နာမည်တစ်လုံးကို ဆိုးသည်ဖြစ်စေ၊ ကောင်းသည်ဖြစ်စေ ဤကမ္ဘာမြေပေါ်၌ ကျန်ရန် ကျွန်ုပ်ယနေ့မှစ၍ ကြိုးစားမည်ဖြစ်ကြောင်း ကြေငြာအပ်ပါသည်။ ကျွန်ုပ်၏ အတ္တများ အခြားလူများ မကူးစက်ကြဖို့ ပြောကြားလိုပါတယ်။

2 comments:

Kay said...

တော်ပါသေးရဲ့..အမြင်မှန်တော့ရသွားရှာပီ

khunmk said...

အထဲကတစ်ချို့ကိုလက်ခံပါတယ်..

သူငယ်ချင်းမို့ ဒီလိုပဲ အလကား လုပ်လုပ်ပေးခဲ့တာကို ကွယ်ရာမှာ ကြားရတာက ကျွန်တော့်ကို “ဟာ အဲ့ကောင်ကို ငါပိုင်ပါတယ်ကွာ”တဲ့။ သူကတော့ သူ့သူငယ်ချင်းထဲက အခကြေးငွေ တောင်ယူလိုက်သေးတယ်။ အဲကစပြီး အလကား မလုပ်ပေးတော့ပါဘူး။ အကုန်လုံးတော့ မဟုတ်ဘူးပေါ့။