ဘောပင်လေး တစ်ချောင်း

ကျနော်ဆီမှာ စတီး ဘောပင်လေး တစ်ချောင်း ရှိတယ်။ ကျနော့် သူငယ်ချင်း ခရီးရှည် တစ်ခု မထွက်ခင် နောက်ဆုံး နှုတ်ဆက်ချိန် သူကျနော့်ဆီ အပ်ခဲ့တာပါ။ သူကတော့ မင်းသုံးလိုက်တော့ ငါမလိုတော့ဘူးလို့ မှာခဲ့တာပါ။ ကျနော် အသေအချာ သိမ်းထားပါ့မယ်၊ သူပြန်လာရင် ကျနော် ပြန်ပေးပါ့မယ်လို့ သူ့ကို အဲဒီတုန်းက ကတိပေးခဲ့ပါတယ်။

အဲဒီဘောပင်လေး ကျနော် တခါတလေ ယူသုံးတတ်တယ်။ အမှန်ကတော့ ကျနော် အသေအချာ သိမ်းထားပါ့မယ်လို့ မှာပါရက်နဲ့ ထုတ်မသုံးသင့်ပါဘူး။ တစ်နေရာမှာ သိမ်းထားရမယ့် ပစ္စည်းပါ။ တစ်ခေါက် ရက်ရှည် ကွန်ဖရင့် တစ်ခု တက်ရစဉ် အဲဒီဘောပင်လေးကို မှတ်မှတ်ရရ ယူသွားခဲ့မိတယ်။ ဖြစ်ချင်တော့ တစ်ရက် ရေးစရာရှိလို့ အဲဒီဘောပင်ကို ထုတ်ပြီး ရေးလိုက်မိတယ်။ အဲဒီမှာ ကျနော်နားမှာ ကျတဲ့ ကွန်ဖရင့် တက်ဖက် နိုင်ငံခြားသား တစ်ယောက်က ဘောပင်မပါလာတော့ ကျနော် အားနာနာနဲ့ပဲ ပေးလိုက်မိတယ်။ ဖြစ်ချင်တော့ သူရော၊ ကျနော်ရော ဘောပင်လေးကို မေ့သွားမိတယ်။

ကျနော် အမှတ်ရတဲ့ အချိန် သူ့ဆီချက်ချင်း ပြန်ပြေး တောင်းတော့ သူက ခပ်ပေါ့ပေါ့ပဲ ဘယ်ထားမိမှန်း မသိဘူးလို့ ပြောပါတယ်။ ဒါနဲ့ သူ့ကို စိတ်တော့ မရှိဖို့ တောင်းပန်ပြီး အဲဒီ ဘောပင်လေးရဲ့ ရာဇဝင်၊ အရေးကြီးတဲ့ အကြောင်းပြောကို သူကို ပြောပြရပါတော့တယ်။ သူလည်း မျက်နှာထူပူ သွားပြီး ကျနော့်ကို မျက်နှာငယ်ငယ်နဲ့ တောင်းပန်ရှာပြီး၊ ချက်ချင်း ရှာပါတယ်။ နောက်ဆုံး သူ့အခန်းပြန်ရှာမှ ပြန်တွေ့တယ်။

ကွန်ဖရင့် တလျှောက်လုံး အဲဒီ ဘောပင်လေးနဲ့ ပတ်သက်ပြီး ကျနော့်ကို တောင်းပန်တာ အကြိမ်ကြိမ်ပါ။ ကျနော်လည်း အခုလို ယူလာတာက ကျနော့် အမှားပါလို့၊ စိတ်ထဲ မထားပါဘူးလို့ သူ့ကို ပြန်ပြောပါတယ်။ ကွန့်ဖရင့်ပြီးပြီး နောက်ဆုံး နှုတ်ဆက်ချိန် သူက ကျနော် အနားကပ်လာပြီး ဒီဘောပင်လေး အကြောင်း ငါစာရေးအုံးမယ်။ ဒီခရီးအတွက် ဒီကိစ္စလေးက ငါ့အတွက် အမှတ်ရစရာ ဖြစ်ခဲ့တယ်တဲ့။

ဒီဘောပင် ပိုင်ရှင်က အခု အင်းစိန်ထောင်မှာ အစာငတ်ခံတိုက်ပွဲဝင်နေတဲ့ ရန်နိုင် (ခေါ်) ဥာဏ်ထွန်းလင်း ပါ။ ခင်တဲ့သူတွေက ဥာဏ်ကြီး၊ နောက်တော့ ဂျာကြီးဆိုပြီး ခေါ်ကြတယ်။ သူနဲ့ ကျနော်က အထက်တန်းကျောင်း တစ်ကျောင်းတည်း ထွက်ပေမယ့်၊ အတန်းချင်းလည်း မတူ မြန်မာပြည်မှာလည်း လူချင်း မဆုံဘူးကြတော့ သူမရောက်ခင် သူ့နံမယ်ကို သိရပေမယ့် အမှုမဲ့အမှတ်မဲ့ပဲ နေခဲ့သည်။

သူနဲ့ စတွေ့တွေ့ချင်း စကားပြောမိတော့ အကြောင်းအရာတွေ၊ အလုပ်တွေ ပြန်ဆက်စပ် ကြည့်မှ လူချင်း မဆုံခဲ့ပေမယ့် သူသိတဲ့သူ ကျနော်သိ၊ ကျနော်သိတဲ့သူ သူသိ ဆိုတော့ စစချင်းမှာပဲ တစ်ယောက်ကို တစ်ယောက် ရဲဘော်ရဲဘက်လို သတ်မှတ်ခဲ့ကြတယ်။ ကျနော်တို့ အဖွဲ့အစည်း တစ်ခုအောက်မှာ အတူတူ အလုပ်လုပ်ခဲ့ကြတယ်။ သည်ထပ်ပိုရရင် ကြမ်းတပြေးတည်း အတူတူ အိပ်ခဲ့ကြသလို၊ တစ်စားပွဲတည်း၊ တစ်ပန်းကန်တည်း အတူတူ စားခဲ့ကြတယ် ဆိုရင် ပိုမှန်ပါတယ်။

ကျနော်တို့ တစ်ပတ် တစ်ကြိမ်ထုတ် သတင်းစာ တစ်စောင် လုပ်ကြတော့လည်း သူပါ ပါလာခဲ့ပြန်တယ်။ အဲဒီမှာ သူက မန်နေဂျာ ရာထူးနဲ့ တောက်တိုမယ်ရ အကုန်လုံး လုပ်တယ်။ သတင်းစာ ဖြန့်ချိရေး၊ သတင်းစာခ ကောက်ခံရေး ကနေ၊ အားလုံး စားဖို့ ဈေးဝယ်တာက အစ၊ လိုအပ်ရင် ချက်ပြုတ်တာ အထိ သူ လုပ်ဆောင်ခဲ့တယ်။ သူ့တာဝန်ကို ထောင့်စေ့နေအောင် လုပ်ခဲ့ပါတယ်။ ပြည်ပမှာ ထုတ်တဲ့ သတင်းစာ တစ်စောင်ကို အခြား အလှူရှင် ပံ့ပိုးမှုမရှိပဲ ရပ်တည်ရတာ အလွန် ခက်ခဲပါတယ်။ ဂျပန်မှာ ရှိတဲ့ သူငယ်ချင်း တစ်ယောက်က သူ့လုပ်အားနဲ့ ရသလောက် ထောက်ပံ့လို့သာ အဲဒီတုန်းက ထုတ်နိုင်ခဲ့တာပါ။ ဒီတုန်းက သတင်း စာစောင်ကြီးတွေ အလှူရှင် ထောက်ပံ့ငွေနဲ့ ရပ်တည်နေကြပြီး၊ အခမဲ့ဖြန့်ဝေကြတာပါ။ သတင်းစာ ရောင်းရတဲ့ ဝင်ငွေနဲ့လည်း ရပ်တည်ဖို့ ဘယ်လိုမှ မဖြစ်နိုင်ပါဘူး။ အဲဒီအချိန်က သတင်းမီဒီယာတွေ အခုကာလလောက် ငွေကြေးထောက်ပံ့မှု မရကြသေးပါ။

သူ့ကို မန်နေဂျာ ခန့်ထားတာ နေရာမှန်သည်ဟု ပြောရပါမယ်။ သတင်းစာဖိုး လစဉ်ရဖို့ တောင်းသည့် နေရာမှာ အားနာခြင်း မရှိသလို၊ မရရအောင်လည်း တောင်းတတ်သည်။ ကိုယ်တိုင်လည်း လိုက်ဖြန့် လိုက်ရောင်းသည်။ ဈေးဝယ်ရာမှာလည်း ထိုင်းစကား မတတ်သော်လည်း ရအောင် ဈေးစစ်တတ်သည်။ ၂ ဘတ်ဖိုး၊ ၃ ဘတ်ဖိုးက အစ စစ်စီပြီး ဝယ်တတ်သည်။ အဲဒါကတော့ သူအာရုံမှာ သူယူထားသည့် မန်နေဂျာ တာဝန် မကျေမှာစိုးသည်၊ လိုအပ်နေသည့် စားရေးသောက်ရေး ကိစ္စအစ သူအပိုင်းကို သူကာမိအောင် ကြိုးစားခဲ့သည်။ ဒါကြောင့်လည်း သူကို အားလုံးက ဂျာကြီးလို့ ခေါ်ဝေါ်ခဲ့ကြသည်။

သူက စကားပြောလျှင် ယဉ်ယဉ်ကျေးကျေးနှင့် အမြဲပြုံးနေတတ်သည်။ အခြားသူနှင့် စကားပြောလျှင် အသေအချာ အာရုံစိုက် နားထောင်လေ့ ရှိသည်။ စကား အများကြီး မပြော။ လိုအပ်သည့် ကိစ္စ အတွက်တော့ ရဲရဲဝင့်ဝင့် ပြောတတ်သည်။ မည်သူ့ကို မဆို စိတ်ရှည်လက်ရှည် လုပ်ပေးတတ်သည်။ တချို့ အားမလို အားမရ အခြေအနေ ကြုံရသည့် အခါတော့ ရေငုံနှုတ်ပိတ် နေတတ်သည်။ တခါ တခါတော့ ဆေးပေါ့လိပ်ကို ကိုက်ကာ တစ်ခုခုကို စိုက်ကြည့်ပြီး၊ တခုခုကို စဉ်းစား နေတတ်သည်။ သူ့လုပ်စရာ ရှိတာကို ဘယ်တော့မှ မငြီးငြူ အောက်ခြေသိမ်းမှ အစ လုပ်တတ်သည်။ စကားပြော သိမ်သိမ်မွေ့မွေ့နှင့် သီးခံစိတ် ကြီးသော်လည်း၊ မတရားသည့် ကိစ္စနှင့် သူ့ ခံယူချက် ရပ်တည်ချက် အတွက်တော့ ဘယ်တော့မှ အလျော့မပေးတတ်ပါ။ ရဲဘော်ရဲဘက်၊ သူငယ်ချင်း မိတ်ဆွေတွေ အပေါ် အမြဲညှာတာ တတ်သည်။

နောက်ပိုင်း သတင်းစာ ရပ်တော့ သူ့ရပ်တည်ရေး အတွက် မရှက်မကြောက်ပဲ ညဈေးမှာ ထမင်းလိုက် ရောင်းခဲ့သည်။ ရေရှည်အတွက် သူနဲ့ စကားပြောမိတိုင်း၊ မြန်မာပြည်ထဲမှာ ရဲဘော်တွေ ရှိတယ်၊ အလုပ်တွေ ရှိတယ်၊ အဲဒီကို ပြန်မယ်၊ တခြား ရည်ရွယ်ချက် မရှိ၊ စာဆက် သင်ရန် မရှိလို့သာ အမြဲပြောခဲ့သည်။ နောက်ဆုံး သူပြန်ရန် ဆုံးဖြတ်ချက် ကျသည်။ သူပြန်မည့် အကြောင်း အားလုံးစီစဉ်ပြီးမှ ကျနော့်ကို တိုင်ပင်သည်။ စောပြီး တိုင်ပင်ခဲ့လျှင် ကျနော် ကန့်ကွက်မည်ကို သူသိသောကြောင့် ဖြစ်သည်။ နောက်ဆုံး သူနဲ့ ဆုံစဉ် အခုဘောပင်လေး ကျနော့် လက်ထဲ ထည့်ခဲ့ခြင်း ဖြစ်သည်။

သူပြန်ပြီး တစ်နှစ်နီးပါး အကြာ ကျနော် မမျှော်လင့်ပေမယ့်၊ တစ်နေ့ ဖြစ်လာနိုင်တယ် ဆိုတဲ့ သတင်းစကား ကျနော့်ဆီ ရောက်လာသည်။ ဥာဏ်ကြီးကို မိသွားပြီ။ နောက်တော့ စီရင်ချက်ချတာ သိရသည် ၂၂ နှစ်တဲ့။ သည်နောက်တော့ သူအင်းစိန်မှာပဲ ရှိနေသည်။ ထောင်ထဲမှာလည်း ခပ်မာမာပဲ ရှိသည်။ ထောင်ထဲမှ သူ့ကောင်း သတင်းများကိုသာ ကြားခဲ့ရသည်။ အင်းစိန်ထောင် မေလ အစာငတ်ခံစာရင်းတွင် သူပါလာသည်။ အခု တစ်ကြိမ်တွင်လည်း သူပါနေသည်။ သူ့အခု ထောင်သက် ၈ နှစ်ပြည့်တော့မည်။ အိမ်မှာ မနေရပဲ ပြေးလိုက်၊ ပုန်းလိုက်၊ အတည်တကျ မနေခဲ့သည်က ၅ နှစ်။ အဲဒီ ၁၃ နှစ်က ပြေးလိုက်ပုန်းလိုက် ဘဝ၊ ပြည်ပြေး ဘဝ၊ ထောင်ကျ ဘဝတွေ သူဖြတ်ခဲ့သည်။ ထုသားပေသား အတော်ခံခဲ့ရပြီး ဖြစ်သည်။

သူ့အကြောင်းများ ကျနော် ကြားရသည့် အခါတိုင်း ကျနော် ဝမ်းမနည်းမိပါ။ သူ့အတွက် ဂုဏ်ယူနေမိသည်။ ယခုလို အစာငတ်ခံ ဆန္ဒပြမှုမျိုး ကြားရသည့် အခါတော့ စိုးရိမ်မိသည်။

မကြာမီ ရက်များအတွင်း နိုင်ငံရေးအကျဉ်းသားများ လွတ်မြောက်ဖို့ ရှိသည်ဟု ပြောသည်။ သို့သော် သူအပါအဝင် ၁၅ ဦးက နိုင်ငံရေးအကျဉ်းသားများ လျှော့ရက်ရရေး အစာငတ်ခံ တိုက်ပွဲဝင်တာ  ၈ ရက်ကျော်ပြီ၊ ထောင်ဝင်စာ တစ်လ အပိတ်ခံရသည်တဲ့။ လွတ်မြောက်မည့်သူများထဲ သူလည်း ပါကောင်းရဲ့ဟု မျှော်လင့်နေသော်လည်း၊ အမျှော်လင့်ကြီး မမျှော်လင့်ရဲ။ ဆုံးဖြတ်ချက်က အာဏာပိုင်တွေ ဆီမှာသာ။

မြန်မာပြည်သား တစ်ဦး ဖြစ်သည့် မိမိအနေဖြင့် တတ်နိုင်သည်က ယခု အစာငတ်ခံ ဆန္ဒပြမှု ပြေပြေလည်လည်နှင့် အထိအခိုက် မရှိ အာဏာပိုင်များက ဖြေရှင်းပေးရန်၊ လျှော့ရက်များ ပြန်ခံစားခွင့်ရရန်။ အကျဉ်းသား အားလုံး လွတ်မြောက်ရန် အတွက် တောင်းဆိုနိုင်သည်။ သည့်အတွက်လည်း ယခုစာဖြင့် တောင်းဆိုသည်။

ကျနော် လက်ထဲတွင် တန်ဖိုး မဖြတ်နိုင်သော ဘောပင်တစ်ချောင်း ရှိနေသည်။ ယင်းဘောပင်ကို သက်ဆိုင်သူထံ ပြန်ပေးနိုင်ရန် သက်ဆိုင်ရာ အာဏာပိုင်တို့တွင် တာဝန်ရှိသည်။ ဖြေရှင်းပေးကြပါ။

ကျော်ဝင်း

ကျနော်တို့ရဲ့ အတွင်းရန်

နိုင်ငံရေး၊ တော်လှန်ရေးသမား အမည်ခံ (သို့မဟုတ်) ခံယူထားသူ အချို့၏ အမြင်များကို ဖေ့စ်ဘွတ်၊ ဘလော့ စတဲ့ အများမြင်သာသည့် အွန်လိုင်း လူမှုဆက်ဆံရေး နေရာများတွင် ရေးကြ၊ ပြောကြ၊ မှတ်ချက်ပေး ဆွေးနွေးကြသည်များမှာ အံ့မခန်းလိလိ မသတီဖွယ်ကောင်းသည်ကို တွေ့မြင်ရသည်မှာ စိတ်မချမ်းမြေ့ဖွယ်ရာပါ။ သူတို့ ဘာဆိုသည်ကို လက်တဆုံး မနှိုက်ကြည့်နိုင်သော်လည်း၊ စိတ်ပျက်ဖွယ် အလွန်ကောင်းသည်။

ထိုသူများတွင် နိုင်ငံရေး လုပ်သည့် အခါ လိုတဲ့အခါ ဆွဲတင်၊ မလိုတဲ့အခါ ရိုက်ချ၊ လိုတဲ့နေရာ ထုတ်သုံး စတဲ့ . စတဲ့ မရင့်ကျက်တဲ့ တွေးခေါ်မျှော်မြင်မှုမျိုးများနှင့် လုပ်ကိုင်နေကြသည်။ ဥာဏ်မကစား တတ်ကြတော့။ ဝှက်ဖဲနှင့်သာ ကစားတတ်ကြတော့သည်။ ထို အကျင့်ဗီဇများနှင့် နှစ်ကာလ ကြာမြင့်စွာ ရပ်တည်နေခဲ့ကြသည်။ ထိုသူတို့ ပတ်ဝန်းကျင်များကလည်း ထိုအကျင့်ကို ရှင်သန်ခွင့်ပေးသည်။ ရှက်ဖွယ်ကောင်းလှသည်။

ရန်ငါစည်းပြတ်ရမယ်။ ငါနဲ့မတူ ငါ့ရန်သူ၊ ရန်သူနဲ့ မိတ်ဖွဲ့သူ ငါ့ရန်သူ၊ ငါ့အပေါင်းအပါနဲ့ မတည့်သူ ငါ့ရန်သူ၊ ငါ့ငါနဲ့ အဆုံးမသတ်နိုင်သော ရန်သူပေါင်း မြောက်မြားစွာနှင့် ရှင်သန်နေထိုင်သည်။ ကိုယ့် ကိုယ်တွင်းမှာတောင် ကိုယ်နှင့်ကိုယ့်ရန်သူ တည်ဆောက်ပြီးသား ဖြစ်နေသည်။ နောက်ဆုံး ငါနှင့်ငါပင် အစေးမကပ်တော့။

နိုင်ငံရေးမှာ ပြည်သူကို အလေးထားရမယ်၊ ပြည်သူလူထုကို မစော်ကားရ။ သို့သော် ထို့သို့သော သူမျိုးများက သာမန်ပြည်သူလူထုကို အရပ်သားတွေပဲ အရပ်အတွေးပဲ တွေးမှာပေါ့ (နလဘိန်းတုံးတွေ)။ ဒါကြောင့် ပညာပေးရမယ်။ ငါတို့ ပြောတာ နားထောင်ရမယ်။ သူတို့ပြောချင်သမျှကို အဟုတ်အမှန် ပုံစံ အတည်ပေါက် ရေးတော့သည်။ ဒါကိုပဲ ပရိုပါဂန်ဒါ (ဝါဒဖြန့်ခြင်း၊ ဝါဒမှိုင်းသွင်းခြင်း) ဆိုတာ လုပ်ကို လုပ်ရမယ်။ ဒါမှငါတို့ လမ်းစဉ် ဆိုပြီး အတည် လုပ်လာသည်။ ကိုယ်လုပ်ချင်တာကို အတုံးလိုက်၊ အတစ်လိုက် ပေးတော့သည်။ နောက်ဆုံး ထိုသူတို့၏ စိတ်တွင်ပင် သူတို့ ညာဝါးခဲ့သည့် မှိုင်းက အမှန်ဖြစ်လာသည်။ ကိုယ့် ဆိုက်ဝါးနဲ့ ကိုယ်မရုန်းနိုင်သည့် အခြေကို စိုက်တော့သည်။ လုပ်သင့်တဲ့ အလုပ်ဟု ယုံယုံကြည်ကြည် လုပ်နေကြတော့သည်။ တကယ့် ပြည်သူက ဘယ်လိုမြင်သည် ဆိုသည့် အရှိတရား၊ ပကတိတရားကို မစဉ်းစားနိုင်ကြတော့။

အချို့ နိုင်ငံရေး၊ တော်လှန်ရေးကို လုပ်ကိုင်ခဲ့ဘူးတယ်၊ ပတ်သက်ခဲ့ဘူးတယ်၊ ပတ်သက် သလို မပတ်သက်သလို ရှိနေတယ် စတဲ့ စတဲ့ သူများကလည်း ငါတို့ လုပ်ခဲ့တာ၊ ငါတို့ စွန့်လွှတ်ခဲ့တာ၊ ငါတို့ ဘယ်လို ဖြတ်သန်းခဲ့တာ စတာတွေကို အမြဲ ဂုဏ်တင်ကာ ဘယ်သူ့ကိုမှ ထီမထင်တော့။ နင်တို့ နိုင်ငံရေးကို ဘယ်လောက် နားလည်လို့လဲ ဆိုသည့် အလုံးနှင့် ကိုင်ပေါက်တော့သည်။ နင်ထောင်ကျဘူးသလား၊ လက်နက်ကိုင်ဘူးသလား၊ တောခိုဘူးသလား၊ သပိတ်မှောက်ဘူးသလား စသည့် မဆုံးနိုင်သည့် ပေတံကြီးဖြင့် တိုင်းတော့သည်။ ထောင်မကျခဲ့ရတာကိုက အပြစ်၊ သပိတ်မမှောက်ဘူးတာကိုက အပြစ် ဖြစ်လာသည်။ ထိုသူများ နိုင်ငံရေး လုပ်ခဲ့တာ၊ ပတ်သက်ခဲ့တာ သည်လို လုပ်ဖို့ သက်သက် အတွက်များ လားလို့ သံသယ ၀င်မိသည်။

ကိုယ့်လုပ်ခဲ့တဲ့ အလုပ်ဟာ ယုံကြည်ချက်နဲ့ လုပ်ခဲ့ကြသလားလို့ ပြန်မေးခွန်း ထုတ်စရာ ဖြစ်လာသည်။ ဘယ်သူကမှ စွန့်လွှတ် အနစ်နာမခံခိုင်းခဲ့ပါ။ နိုင်ငံရေး၊ တော်လှန်ရေး သမားများမှ စွန့်လွှတ်အနစ်နာခံရကြ ရသည် မဟုတ်ပါ။ လူတိုင်း ကိုယ်ယုံကြည်ရာ အပေါ် တနည်းနည်းဖြင့် စွန့်လွှတ် အနစ်နာခံကြရသည်။

ထိုသို့ ပြောဆို၊ လုပ်ကိုင်နေသူများကို တွေ့မြင်ရတိုင်း ကျနော့်တို့ ရန်သူလို့ ပြောသော သူများကဲ့သို့ပင် မြင်မိသည်။ ကျနော်တို့၏ ရန်သူများ တိုင်းပြည်နှင့်ချီပြီး ငါတကောကောခဲ့ကြသည် မဟုတ်ပါလော။ ငါတကောကောပြီး တိုင်းပြည်ကို ကျင့်ကြံခဲ့ကြသည် မဟုတ်ပါလော။ ထိုနည်း လည်းကောင်း ကျနော်တို့သည်လည်း အာဏာမရ၊ အာဏာမရှိသည်မှ လွဲ၍ ငါတကောကော ကောခဲ့ကြသည်။

ပြန်မေးခွန်း ထုတ်သင့်သည်။ ရိုးရိုးသားသားနဲ့ အခု ငါဘာလုပ်နေသလဲ၊ ငါဘာလုပ်နိုင်သလဲ၊ ငါဘာလုပ်ဖို့ လိုသလဲ၊ ငါ့ဘယ်နေရာမှာ ရှိနေသလဲ စဉ်းစားကြည့်ပါ။ ဘယ်သူအတွက်ပဲ လုပ်လုပ် အကျိုးရှိ ပါရဲ့လား။ ကျနော်တို့ကိုယ်ကို ကျနော်တို့ ဆန်းစစ် မဝေဖန်နိုင်သမျှ နှစ်ပေါင်း ၂၀ မကလို့ ၂၀၀၀ လည်း ဘာမှ မဖြစ်နိုင်ပါ။

ထိုသူများသည် ကျနော်တို့၏ အတွင်းရန်ဖြစ်သည်။ ရန်ငါစည်းလို့ ပြောရင် အတွင်းစည်း မိမိ ကိုယ်တွင်းကပင် ဖြစ်နေသည်။ ပြည်သူနှင့် ကမ္ဘာခြားစေတာ၊ နိုင်ငံရေးကို အမုန်းကြီး မုန်းစေခဲ့တာ ရန်သူ တဦးတည်း ဖျက်လိုဖျက်ဆီး လုပ်ခဲ့ခြင်း တခုတည်းကြောင့် မဟုတ်ပါ။ ကျနော်တို့ ကိုယ်တိုင် ဖျက်ဆီး၊ ပျက်စီး နေကြသောကြောင့် ဖြစ်သည်။ ထို့ကြောင့် ထိုအတွင်းစည်းကို ရှင်းရန်လိုသည်။ လူထုဆန့်ကျင်ရေး လူထုကြားထဲ သွားပြောနေမှ မဟုတ် အွန်လိုင်းပေါ်က ပြောနိုင်သည်။ လူထု အကြည်ညိုပျက်မှုက အရင်လို အတွင်းအချင်းချင်း ကြိတ်ရှင်းနည်း ရှင်းမရနိုင်။

လူထုစည်းရုံးရေး စည်းရုံးရေး လို့ တွင်တွင်ပြောနေသော်လည်း ပြောသမျှ ဆွေးနွေးသမျှ၊ မှတ်ချက်ပေးသမျှ ထိုနိုင်ငံရေးနှင့် မကင်းသူများ ပြောကြ၊ ရေးကြသည်များက စည်းရုံးမှု မရှိယုံမက၊ အောက်တန်း တော်တော်ကျကြသည်ကို တွေ့ရသည်။ လက်ရှိ ရေးနေ၊ ပြောနေကြသော နေရာသည် သည်ကနေ့ မသိ နောက်တနေ့ သိနိုင်သည်။ ဘာဆိုတာ ညာဝါးလို့မရ၊ ဟိတ်ဟန် ထုတ်လို့မရ။ နိုင်ငံရေး၊ တော်လှန်ရေး မလုပ်ကြသူများသည် နလပိန်းတုံးများ မဟုတ်ကြပါ။ မိမိမိတ်ဆွေ အချင်းချင်းကြား ပြောသည့် စကားပင် တခြားသူများ အချိန်မရွေး သိနိုင်သည်။ ထို့ကြောင့် နင်ပဲငါစ မပြောသင့်တော့၊ ကိုယ်သိက္ခာကိုယ် ထိန်းရန် လိုအပ်သည်။ လူတစ်ယောက်က ဘာဆိုတာ ပြောနိုင်ဖို့ ဖေ့စ်ဘွတ်လို နေရာမျိုးမှာ ကောင်းကောင်း လေ့လာနိုင်သည်။ ဒီလူ ဘယ်လမ်း သွားနေတယ်၊ ဘယ်ကိုယိုင်နေတယ်ဆိုတာက အစ စောင့်ကြည့်နိုင်သည်။

ထိုသို့သော သူများနှင့် ကြုံကြိုက်ရခြင်း၊ ထိုသို့သော စာများကို ဖတ်မိရချင်းကပင် ဒေါသအမြတ် ကျန်ခဲ့စေသည်။ ကိုယ်ဆီကိုပါ အဆိပ်သင့် စေသည်။ လျှစ်လျူရှုထားခြင်းက ထိုသူများကို ရှင်သန်ခွင့်ပေးခြင်း၊ ကိုယ်ကိုယ်တိုင်က အလိုတူ အလိုပါပင်ဖြစ်သည်။

မြန်မာပြည်သူများကို စည်းရုံးချင်လျှင် အင်တာနက်ကို ကောင်းကောင်း အသုံးချနိုင်သည်။ နိုင်ငံရေးတွင် စိတ်ပါဝင်စားလာအောင်လည်း လုပ်ပေးနိုင်သလို၊ ရွံ့မုန်းသွားအောင်လည်း လုပ်ဆောင်နိုင်သည်။ ကဲ ကျနော်တို့ ဘယ်လမ်း ရွေးကြမှာတုန်း။ ကျနော်တို့ တော်လှန်ရေး ခရီးမဝေးသေးပါ သို့သော် နိုင်ငံရေး အသုံးချပြီး ငါတကောကော နေသူများအား ရှောင်ကွင်း ဖယ်ရှားရန် လိုအပ်သည်။

ယခု ကျနော်က ရည်ရွယ်ချက်ရှိ ခလုတ်တည့်တည့် တိုက်ခြင်းသာ ဖြစ်သည်။

ကျော်ဝင်း