ပင်စင်စားတစ်ဦး၏ ရင်ဖွင့်ခံစားချက် (၂)

တခါ မူဆလင် အရေးအခင်းတွေဖန်တီးပြီး တပ်ထဲမှာ ဖြန့်တယ်။ တပ်သားတွေမုန်းလာတော့မှ မူဆလင် ဗလီတွေကို ဖျက်ခိုင်းခဲ့တယ်။ အဆုံးစွန်ပြောရင် ၁၉၈၈ ခုနှစ်က နယ်က စစ်တပ်တွေကို ရန်ကုန်ကို ဆင့်ခေါ်တယ်။ ဗကပ တွေကို ရန်ကုန်ကို ၀င်စီးပြီလို့ ပြောယင်း ခေါ်လာခဲ့တာ။ တကယ်တော့ အမိန့်ကို မလွန်ဆန်ရဲလို့ လိမ်ပြီးခေါ်လာတဲ့ အထက်အမိန့်ကို ကြောက်လို့ လာခဲ့ကြတဲ့ တပ်သားလေးတွေပါ။ ပစ်ဆိုရင် ပစ်ရတယ်။ ဖမ်းဆိုရင် ဖမ်းရတယ်။ သူတို့ကလည်း နယ်ခြားမှာ ဗကပတွေနဲ့ ရင်ဆိုင်ခဲ့ရတဲ့ လူတွေဆိုတော့ သူတို့ဘက်က ဆုံးရှုံးရတဲ့ လူတွေလည်း ရှိမယ်။ အမှန်မဟုတ်တဲ့ အမိန့်ကြောက်ရတာလည်း ပါတယ်။ ဒါပေမဲ့ ရန်ကုန်ကို ရောက်လာတဲ့အခါ တိုက်ကြီးတွေနဲ့ ကားတွေ မိန်းမချော ကလေးတွေကို တွေ့ရတော့ `ဟာ သည်ဗကပ ကလေးတွေက အတော်ချောတာပဲ´ အာမေဋိတ်တွေ ထွက်ခဲ့ကြတယ်။ ဒီကလူတွေနဲ့ အဆက်အစပ် ရှိတဲ့ လူတွေကို ရန်ကုန်ကို ပို့တာ မဟုတ်ဘူး။ တခါ တချို့လူတွေက ကောလာ ဟာလ ဖြန့်သေး တယ်။ အရိုင်းအစိုင်း ချင်းတပ်ကို ခေါ်လာခဲ့တာ သိပ်ရိုင်းတာပဲ စသည်ဖြင့်ပေါ့။ ချင်းလူမျိုးတွေ ကြားရင် အသဲနာကြမှာပါဘဲ။ လန်ကြုတ်လုပ် ဇာတ်ဝင်ခန်းတွေ ဆင်ပြီး ရန်ကုန်က ၈၈ အရေးအခင်းကို တပ်နဲ့ ဖြို ခိုင်းခဲ့ တာပဲ။ နဂိုကမှ ရှေ့တန်းက ၀င်လာတဲ့ မလိမ်မိုးမလိမ်မာ ဆင်ကန်းတောတိုး အရွယ် တပ်သားလေးတွေကို အရည်တွေ အငွေ့တွေ တိုက်ပြီး မြိုခိုင်းပြီး အရှိန်တက်လာတော့မှ အမိန့်ပေးတဲ့ အရာရှိက မဆင်မခြင် အထက်အမိန့်ကို စောင့်ပြီး ကြက်ကလေး ငှက်ကလေးများကို ပစ်ချ ဖမ်းသတ်ပြီး အကုန်လုံးသိမ်းကြုံး ကားထဲ ဆွဲတင်ကြ ၀ရုန်းသုန်းကားဖြစ်နေကြာရတဲ့ အဖမ်းခံ အပြစ်မဲ့တဲ့ လူငယ် ကျောင်းသားလေးတွေ မွန်းကျပ်ပြီး အစုလိုက် အပြုံလိုက် သေကြရ မသေမရှင် တွေကိုတော့ သဂြိင်္ုလ်တဲ့ စက်ထဲထည့် အလောင်းတွေကို ထပ်ပြီး ထည့် သဂြိင်္ုလ်အပျောက်ရှင်းပစ်ခဲ့ကြတာတွေဟာ မဆလ လက်ကျန်တွေနဲ့ လက်ပါးစေ အကြွင်းအကျန်တွေက ဆန်ကောလောက်မှ စောက်မနက်တဲ့ အတွေး အခေါ်တွေနဲ့ လူသားမဆန်တဲ့ ဖြစ်ရပ်တွေပါဘဲ။ ဒါကိုကြည့်ရင် အထက်အမိန့်တိုင်းဟာ တရားသလား၊ မတရားသလား မစဉ်းစားခဲ့ကြတော့ပါ။ ဒါကိုပဲ တပ်မတော်သာလျှင် အဖ တပ်မတော်သာလျှင် အမိ ဆိုပြီး ပြည်သူလူထုကို အမိအဖသဖွယ် အုပ်ချုပ်ရတယ်ဆိုတဲ့ လိမ်စဉ်တွေကို မီဒီယာတွေထဲ ထည့်တယ်။ ကလောင် လက်နက်ခွဲတွေ အများကြီးဖြန့်ကျက်ပြီး တော်၏၊ မတော်၏လည်း မစဉ်းစား ဆင်ခြင်တုံ ညံဖျင်းတဲ့ အချက်အလက်တွေ အင်မတန်တိမ်တဲ့ အတွေးအခေါ်တွေနဲ့ ကလော်စာတွေ ရေးကြတယ်။ စုတ်စုတ်နှုတ်နှုတ်ကို အကြောင်းအရာ အရင်းမခံပဲ လူပုဂ္ဂိုလ်အစွဲနဲ့ အဖွဲ့တွေကို နင်းချေ ရေးသား ခဲ့တယ်။ ရေးတဲ့စာတွေက အနှစ်မပါပဲ ရုန့်ရင်းကြမ်းတမ်းတာတွေပဲ ပါတယ်။ ချီးကျူးတဲ့နာမည်ရ ကလောင် သမား တချိုိ့ ပါဝင် ရေးလာကြတော့ အံ့သြမိပါတယ်။ သံအမတ်ဟောင်းကြီးတွေ တောင်ပါတယ်။ ကလေး အဆင့်လောက်မှ အတွေးအခေါ်မပါတဲ့ သည်စာသားတွေကို ဘာကြောင့် ရေးကြတာလဲ။ စဉ်းစားတော့ သူတို့ အသိုင်းအ၀ိုင်း တွေကလည်း တပ်က ဝေစားမျှစား အလုပ်တွေ ပေးထားတယ်။ တနည်းပြောရရင် စည်းစိမ် စီးပွား လုပ်ခွင့်တွေ အများကြီးပေးထားတယ်။ လောဘမှိုင်းတွေကြောင့် သူတို့ရဲ့ အရှိလောကမှာ ရထားတဲ့ စည်းစိမ်တွေကို အဟောသိကံ အဖြစ်မခံနိုင်ကြဘူး။ ဒါနဲ့ပဲ မှားမှန်းသိတာကို ရင်မဆိုင်ရဲကြပဲ မလိုတမာတွေ ရေးလာ ကြတော့ တာပါပဲ။

ကိုလိုနီနယ်ချဲ့စနစ်ကို ပြန်ဖော်မယ်။ လွတ်လပ်ရေးရပြီးစခေတ် ခေတ်သစ်ထူထောင်နေခဲ့စဉ်က အသင်းအဖွဲ့ တွေရဲ့ အမှားတွေကို ထောက်ပြကြမယ်။ တဆိတ်ကို တအိပ်လုပ်ရေးကြမယ်။ ဗကပ တွေကို ရှေ့တန်းတင် ရေးပြီး ဘုရားဖျက်တာတွေကို ရှေ့တန်းတင်ရေးပြီး ဘုရားဖျက်တာတွေ စော်ကားတာတွေကို ထည့်ရေးမယ်။ ဗမာပြည်ကွန်မြူနစ်ပါတီ ခေါင်းဆောင်တွေနဲ့ အဖွဲ့က လွတ်လပ်ရေးယူပေးခဲ့တဲ့ ကျေးဇူးတွေကို မထောက် မထား စွပ်ဆွဲပုတ်ခတ်ရေးမယ်။ ဖ ဆ ပ လ တွေကိုလည်း နိုင်ငံရေးသမား အချင်းချင်းခွက်စောင်းခုတ်တဲ့ အကြောင်းတွေ ရေးမယ်။ နိုင်ငံရေးပါတီနဲ့ နိုင်ငံရေးသမားပုဂ္ဂိ္ဂိုလ်တွေကို ရှေ့တန်းတင်တိုက်ခိုက်ပြီး မီဒီယာ တွေမှာ မဟုတ်မဟပ် မျိုးစုံနဲ့ကိုးကားရေးမယ်။ ဒါဟာ သူတို့အလုပ်ပဲ။ ပြီးတော့မှ နိုင်ငံကို ကယ်တင်ခဲ့ရတာ အကြိမ်ကြိမ်ဘဲ။ ပျက်စီးနေတဲ့ နိုင်ငံကို သူတို့ကပဲ ပိုင်ရှင်အနေနဲ့ ထူထောင်ရတာတွေ ရေးသားမယ်။ ယခင်က မြန်မာပြည်ယခု မြန်မာပြည်ဆိုပြီး ဓါတ်ပုံတွေနဲ့ ယှဉ်တွဲပြပြီး လမ်းတံတားဖွင့်ပွဲတွေမှာ မင်းသမီး ကလေး တွေ ကို ရှေ့ကတင် ကခိုင်းပြီး ဂုဏ်ယူဖော်ပြကြမယ်။ တဆက်တည်းမှာပဲ သူတို့ကပဲ အလှူကြီး အတန်းကြီး တွေ ကို နေ့စဉ်ရက်ဆက်ပေးနေသယောင် သံဃာတော်တွေရှေ့မှာ ၀ပ်သွားမယ်။ ၀တ္တုတွေကို ဆက်ကပ် လှူဒါန်း ယင်း လှူကြ တန်းကြမဲ့ အလှူ့ရှင် သဌေးကြီးတွေဆီက ကျပ်သိန်းရာထောင်တို့ကို တဆင့် လက်ဝေခံ လုပ် မယ်။ ဂုဏ်ပြုလက်မှတ်တွေပေးမယ်။ ရတဲ့လူတွေကလည်း လိုင်စင်တခု ရထားတဲ့အလား မိမိတို့အတွက် စီးပွားဖြစ်လုပ်ငန်းတွေကို တိုးချဲ့မယ်။ သည်လက်မှတ်တွေကို သုံးပြီး ကိုယ်ကျိုးစီးပွား တိုးတက်လာအောင် လုပ်ယင်း ဗိုလ်ချုပ်တွေနဲ့ ပုလင်းတူဗူးစို့တွေ ဖြစ်လာကြတယ်။ တစတစနဲ့ အခြားသော လူထုလူတန်းစား အလွှာတွေဟာလည်း ဓားမနောက်ပိတ်ခွေး၊ ဘာမှ တိုးတက်မှု အရှိတော့တဲ့ လူသားလေး တွေ အဖြစ်နဲ့ ကြန်အင်လကဏာတွေ မှေးမှိန်လာမယ်။ ဒီလိုပဲ အစွမ်းအစတွေ ငုတ်လျှိုးကုန်ကြတယ်။ ဒါတွေဟာ လူသား တဦးကို (သို့) ပြည်သူတစ်ယောက်ကို မသိမသာ အောက်တန်း နောက်တန်းကျအောင် ဖန်တီးပေးနေတာနဲ့ တူနေတယ်။

ဒီတော့ ချမ်းသာတဲ့လူလက်တစ်ဆုပ်စာနဲ့ များပြားလှတဲ့ ဆင်းရဲတွင်းနစ်ကြရတဲ့ လူတန်းစားဟာ ကွာဟ သထက် ကွာဟ လာကြပြီး နောင်တခါ တိုင်းပြည်အတွက် လူတော်လူကောင်းတွေ ပျောက်ကွယ်ရမဲ့ အရေး ပေါ်ပေါက်ကြရပါတော့မယ်။ အလယ်အလတ်တန်းစား လို့ခေါ်တဲ့ ပညာတတ်လူတန်းစားတွေဟာ အောက်ဆုံး လွှာကို ရောက်နေရပြီ မဟုတ်လား။ နိုင်ငံတစ်နိုင်ငံကို ပြုစုပျိုးထောင်တဲ့ နေရာမှာ ပညာတတ် လူတန်းစား ကသာ ရှေ့ဆောင်ရမှာ ဖြစ်ပါတယ်။ ဒါပေမဲ့ ခုတော့ လူချမ်းသာ ဗိုလ်ချုပ်တွေရှေ့ ခပ်ရိုို့ရိုို့လေး ခစားနေရတဲ့ ဘ၀ ရောက်ရှိနေကြရပြီး ဘာမှ စဉ်းစားတွေးခေါ် ဥာဏ်မရှိတဲ့ လူတွေရဲ့ အငေါက်အငန်းခံ ဘ၀ကို လည်ဆင်း ပေးနေရတာ ကတော့ ဦးတော်ချနေရတာကတော့ တိုင်းပြည်တပြည် မတိုးတက် မထွန်းကား ရတဲ့ အကြောင်း တရား တခုပါ နေပါတယ်။ ရှေ့ဆောင်လမ်းပြ လုပ်သင့်တဲ့ လူပုဂ္ဂိ္ဂိုလ်က အာဏာရှင်က ဟုတ်ဟုတ် မဟုတ်ဟုတ် စေခိုင်းတဲ့ အမိန့်အတိုင်း လိုက်လုပ်နေရပြီး တခွန်းမှ ပြန်မဟနိုင်တဲ့ ဘ၀ဟာ တိုင်းပြည်ရှေ့ရေး မကောင်းခြင်းရဲ့ လက္ခ္ခ္ခဏာပါဘဲ။

စစ်တပ်ဟာ သူတို့တသက်လုံးအုပ်ချုပ် မင်းမူနိုင်အောင် အတင်းအဓမ္မ အခြေခံမူကြမ်းကို ဆန္ဒခံယူပွဲ လုပ်ပြီး အုပ်ချုပ်တော့မယ်။ လက်ရှိ အုပ်ချုပ်နေတဲ့ ကြိုးနီစနစ်၊ ဗဟိုဦးစီးစနစ် နီးပါးလောက် ရှိနေတဲ့ အမည်ခံ စည်းကမ်းရှိတဲ့ ဒီမိုကရေစီ ဆိုပြီး အုပ်ချုပ်ရေးကို အသက်သွင်းမယ်။ ဒီတော့ တရားဝင် အစိုးရဖြစ်လာတာနဲ့ ပိုပြီးတောင် ရက်စက်ဖိနှိပ် အုပ်ချုပ်လာတော့မယ်။ အမည်ခံ စည်းမျဉ်းတွေ စာရွက်ပေါ်က စည်းကမ်းတွေ စာရွက်ပေါ်က တိုင်းပြည် တိုးတက်ကြီးပွားမှု ဇယားတွေကို ရှေ့တန်းတင်ပြီး နောက်ပိုင်းကနေ ပဥမံတပ်သား တွေကို ခန့်ထားမြဲထားရှိမယ်။ ပဥမံတပ်သားဆိုတာ ကြံဖွတ်လို၊ စွမ်းအားရှင်လို မီးသတ်လို ကြက်ခြေနီလို ကောက်သင်းကောက် ဖွဲ့စည်းထားတဲ့ ရယက မယက စတဲ့ အခြေခံအင်အား တွေဖြစ်တယ်။ သူတို့က အခြေခံ ရပ်ကွက်တွေ က ရပ်ကွက်တိုင်းမှာ ဧည့်စာရင်းစစ်သလို ည ည တွေမှာ အုပ်စုလိုက်ဖွဲ့ပြီး အင်အား ပြမယ်။ ခြိမ်းခြောက်ကြမယ်။ ဒီတော့ အခြေခံဥပဒေဆိုတာကြီးက အနှစ်မပါတဲ့ အပေါ်ယံ အခွံကြီး ပဲပြန်ဖြစ်မယ်။ ဒီလိုနဲ့ တန်ပြန်တဲ့ လူရှိရင် နှိမ်ပစ်မယ်။ တန်ပြန်တဲ့ အင်အားတွေ ကြီးထွားလာရင် ဗိုလ်ချုပ် တဖြစ်လဲ သမတ ဒု သမတ ကာကွယ်ရေးဝန်ကြီး၊ ကာကွယ်ရေးဦးစီးချုပ် တွေက ပြန်လည် အာဏာသိမ်း ဦးမယ်။ ဒါတွေကို ပြည်သူ့လွှတ်တော်မှာပဲ မဲခွဲဦးတော့ တပ်ကလွှတ်ထားတဲ့ အမတ် ၂၅ % ပါပြီးသား လွှတ်တော်မှာ မဲခွဲရင် ဘယ်နည်းနဲ့မှ မှန်ကန်တဲ့ ဘက်က မဲခွဲနိုင်မှာ မဟုတ်သလို ဆန့်ကျင်မှု ပြုတဲ့ ကျန်တဲ့ အမတ်တွေကို ပုဒ်မအမျိုးမျိုးတပ်ပြီး ထိန်းသိမ်း ဖမ်းဆီးဦးမယ်။ သည်တော့ ရွေးကောက်ပွဲ ၀င်ကြရတဲ့ အမတ် တွေရဲ့ အသက်အိုးအိမ်တွေကို ဘယ်လို အာမခံမလဲ။ အမတ်တွေ မဲရသွားတဲ့ မြို့နယ်ရပ်ကွက်တွေ ကရော အာမခံ ချက်ပေးကြမလား။ မဖြစ်ရေးချပါဘဲ။ သူတို့ပြောတဲ့ ပြည်နယ်တို့ ဘာတို့ ညာတို့မှာလဲ အုပ်ချုပ်ရေး ဖက်က လူတွေဟာ ဘယ်နည်းနဲ့ပဲ ဖြစ်ဖြစ် တပ်က လူတွေ တဖြစ်လဲ အထူးပညာရှိ တွေလို ပြန်ကိုင်ခိုင်းမှာပဲ။ SB လို အဖွဲ့တွေကို ဘယ်သူက ကိုင်မလဲ မြို့နယ်တွေမှာလည်း သူတို့အလိုကျ အခါအခွင့် ပေးထားတဲ့ စစ်မှုထမ်းဟောင်းတွေ ဆက်ရှိ နေဦးမှာပဲ။ ဒါတွေဟာ ရွေးကောက်ပွဲ ပြီးတဲ့ တိုင်အောင် ဆန့်ကျင်ဘက် အမတ်လောင်းတွေ အတွက် ဘာမှ ရေရေရာရာ လုပ်နိုင်စွမ်းမရှိတဲ့ အရာတွေ ပါပဲ။

ပြည်သူက ယုံကြည်လို့ ရွေးကောက်လိုက်တဲ့ အမတ်တွေဟာ ကိုယ်မြို့နယ်က ပြည်သူတွေကို ဘယ်လို ကိုယ်စားပြုမလဲ။ ပြည်သူတွေ လိုအပ်တဲ့ အခွင့်အရေးတွေ တောင်းပေးမှာလား။ မြို့နယ်ပြည်သူထဲက အခွင့် အရေးကို တင်ပြပြီး တောင်းတဲ့ ခေါင်းဆောင်တွေကို ပြန်ဖမ်းမှာလား။ အကြောက်တရားနဲ့ ခြောက် ထားဦး မှာလား။ ဒါဖြင့်ရင် မြို့နယ်တစ်ခုမှာ ယိုယွင်းနေတာတွေကို မြို့သူမြို့သားတွေ လုပ်ချင်ရင် လွှတ်တော်မှာ တင်ပြရင် ဖြစ်နိုင်ပါ့မလား။ စဉ်းစားကြည့်ရင် လွှတ်တော်အမတ်ကိုယ်တိုင်က ဘယ်လောက်များ အာဏာရှိ ပါသလဲ။ သူရော တင်ပြရဲမလား။ စတာတွေဟာ ဒီမိုကရေစီမကျတဲ့ ဖွဲ့စည်းပုံ အခြေခံဥပဒေကြီးက ပေါ်ပေါက် လာမဲ့ မနှစ်မြို့ဖွယ် အနှစ်သာရတွေ ပါပဲ။ ဘယ်လို ဒီမိုကရေစီ အခွင့်အရေးတွေကို ပေးမှာလဲ။ တခုခုကို လျှောက်ချင်ရင် တခုခုကို တိုးတက်ချင်လို့ စာကြည့်တိုက် ကလေးတွေ ကိုယ်ထူကိုယ်ထ ဖွင့်ချင်ရင် အားကစား ခန်းမလေးတွေကို ဖွင့်ချင်ရင် ရယက ကို တင်ပြရဦးမှာလား မယက ဆီရော တင်ပြရဦးမလား တခုခုကို လျှောက်တိုင်း ကြိုးနီစနစ်ရဲ့ အကန့်တိုင်းကို ဖြတ်ကြရပြီး အကန့်တိုင်းဖြစ်တိုင်း တန်စိုး လက်ဆောင်တွေ ပေးရဦး မှာလား။ အမျိုးသားကဒ်ဆောင်ထားရက်နဲ့ ဘယ်သွားသွား ရပါ့မလား။ သွားတဲ့ နေရာတိုင်းက အာဏာရှင် တိုင်းကို ပြရဦးမှာလား။ အစစ်ဆေးခံရဦးမှာလား။ ကိုယ်ပြည်ထဲ ကိုယ့်အမျိုးဆီ သွားအိပ်ရာမှာ ညပိုင်းမှာ သန်ကောင်စာရင်း စစ်တာမျိုးလို လူအုပ်စုနဲ့ဝိုင်းပြီး တံခါးခေါက်တာ မျိုးတွေ ရှိဦးမလား။ တကယ် တော့ ဘယ်နိုင်ငံမှာပဲဖြစ်ဖြစ် ဥပဒေ ဆိုတာရှိတယ်။ ဥပဒေ ပြင်ပကို ရောက်နေတဲ့ လူတွေကိုသာ ဥပဒေ ဘက်တော်သား ရဲတွေက မှန်မှန်ကန်ကန် စောင့်ရှောက်စစ်ဆေးဖို့ တရားဥပဒေ ရင်ဆိုင်ရရင် တရားခွင်သွားဖို့ ရှေ့နေရှေ့ရပ် ငှားရမ်းခွင့် မှန်ကန်တဲ့ တရားစီရင်ရေး စာအုပ်တွေသာ ရှိသင့်ပြီး မမှန်မကန်နဲ့ ဥပဒေနဲ့ အကြုံးမ၀င်တဲ့ လူမိုက်လို အဖွဲ့တွေက အိမ်တအိမ်ကို ၀ရမ်းမပါပဲ စစ်ဆေးတာတို့ ငေါက်ငမ်းတာ တို့ ဖမ်းဆီးတာတို့ မလိုရင် မလိုသလို ညှင်းဆဲတာတို့ ရှိလာဦးမှာလား။ နေ့စဉ် နေရတဲ့ ဘ၀မှာ တရားဥပဒေရဲ့ ရင်ခွင်အောက်မှာ မှန်မှန်ကန်ကန် နေနိုင်ခွင့် ရပါ့မလား။ အမြဲတမ်း ဗိုလ်ကျစိုးမိုးတဲ့ ခုလို ရပ်ကွက် ရယက လူကြီးနဲ့ စွမ်းအားရှင် ကြံဖွံ့နဲ့ မီးသတ်၊ ကြက်ခြေနီ အမျိုးသမီးအဖွဲ့ တွေ စုပေါင်းပြီး အိမ်တွေကို ခွဲတမ်းနဲ့ ဗိုလ်ကျခဲ့ရင် တရားဥပဒေအရ တိုင်တမ်းခွင့် ရပါသလား။ တရားသူကြီးများကရော ယခုကဲ့သို့ မိုးပေါ်က ကျလာတဲ့ အမိန့်တွေ နာခံပြီး တရားခံ မဟုတ်သူကို တရားခံ လုပ်ဦးမှာလား။ ဒါတွေဟာ နောင်လာမဲ့ စည်းကမ်းရှိတဲ့ ဒီမိုကရေစီရဲ့ မရှင်းလင်းတဲ့ အနှစ်မပါတဲ့ ဟာကွက်တွေ ရှိတဲ့ အရာတွေပါပဲ။ ယုံကြည်ဖို့ ခက်လှတဲ့ စည်းကမ်းရှိတဲ့ ဒီမိုကရေစီပါ။

ဒါနဲ့ တဆက်တည်းပြောရရင် ကျနော်တို့ငယ်စဉ်က နေရတဲ့ ဘ၀လေး တွေကို စဉ်းစားမိရင်း တမ်းတ မိခဲ့ပါတယ်။ ပညာရေး၊ စားဝတ်နေရေး၊ လူမှု ပတ်ဝန်းကျင် ပေါင်းသင်းဆက်ဆံရေး ပွဲလမ်းသဘင် များနှင့် အသင်းအဖွဲ့ငယ်နှင့် သမဂ္ဂ အဖွဲ့အစည်းများ အထက်ဖော်ပြပါ အကြောင်းအရာများကို သင့် သလောက် တင်ပြရရင် မှတ်မိသလောက် ကျနော်တို့ငယ်စဉ်တောင်ကျေး ဘ၀ (၁၉၅၀ မှ ၁၉၆၂ ထိ) ဟာ ရိုးရှင်းပြီး ပျော်ရွှင်စရာ ရှိခဲ့ပါတယ်။ ဆင်းရဲတဲ့ လူကလည်း ဆင်းရဲတဲ့ အလျောက် ချမ်းသာတဲ့ လူကလည်း ချမ်းသာတဲ့ အလျောက် တရားဥပဒေ ဘောင်အောက် နေကြရတော့ ဘေးကင်းရန်ကွာတယ် ဆိုတဲ့ သဘောပါပဲ။ ရပ်ကွက်ထဲမှာ သူခိုးရှိရင် ရဲကဖမ်းမှာပဲ။ဒါပေမဲ့ ကောင်းတဲ့လူကိုတော့ ဘယ်ရဲကမှ ဘယ် လူရမ်းကားမှ မစော်ကားရဲကြဘူး။ ဘာဖြစ်လို့လဲ တရားဥပဒေ ရှိနေတာကိုး။ ရပ်ရွာ၊ ရပ်ကွက် လူကြီးကလည်း ရပ်ရွာကပဲ တည်ကြည်တဲ့ ရိုသေလေးစားလောက်တဲ့ လူကို ရပ်ကွက်သူ ရပ်ကွက်သား တွေ အကြိုက် တင်မြှောက် ထား ကြရတော့ အများအားဖြင့် ကောက်ကျစ်တဲ့ လူသိပ်မပါဘူး။ အာဏာသိပ်မပြဘူး။ ရပ်ရေး ရွာရေးက အစ ကိုယ်ကျိုးလည်း မဖက်တဲ့ လူမျိုးက များပါတယ်။

ပညာရေးမှာလည်း အချိန်တန်ရင် မူလတန်း၊ အလယ်တန်း၊ အထက်တန်းတွေ ဆင့်ကဲဆင့်ကဲ တက်လာရပေမဲ့ ကျူရှင်ရယ်လို့လည်း သိပ်မရှိပါဘူး။ ကျူရှင်ယူတဲ့လူ နည်းပါတယ်။ နည်းရတဲ့ အကြောင်း ကလည်း သင်ကြားပေးတဲ့ ဆရာတွေက ကိုယ်ကျိုးမဖက် စာလည်းသင်ပေးတယ်။ လူမှုရေးလည်း သင်ပေး တယ်။ တပည့်အပေါ် သားသမီးလို ဆက်ဆံခဲ့ကြတယ်။ သည်တော့ဆရာဆိုရင် တပည့်တွေက ချစ်ကြောက် ရိုသေခဲ့ကြတယ်။ ယခုတိုင် ကျနော်တို့ ဆရာကိုတွေ့ရင် မိရင်းဖရင်း ကို ပျော်ရွှင်ကြရပါတယ်။ အဲသည် ခေတ်ဟာ ဆရာတပည့် ရိုးသားကြတယ်။ ငွေကိုမကြည့်ပါဘူး။ လူသားချင်း ဆက်ဆံတာပဲ အလေးထား တယ်။ အဲသည်ခေတ်က ဆရာတွေဟာ ရတဲ့လစာ ၁၂၆ ကျပ် ၁၈၅ ကျပ် စတဲ့ လစာတွေနဲ့ လောက်ကြ တယ်။ ဒါတွေကလည်း ဆရာတွေ အောက်တန်းမကျခဲ့ရပါဘူး။ မှန်ကန်တဲ့ ခေတ်အောက်မှာ နေရစားရတော့ ပညာရေးမှာလည်း ကောင်းခဲ့ပါတယ်။ အတန်းထဲမှာ မော်နီတာ တယောက်ကို အတန်းဆရာက ခန့်ပေးထား တတ်တယ်။ ကျောင်းသားတွေလိုအပ်ချက် ရှိရင် တင်ပြပိုင်ခွင့် ပေးထားတယ်။ ညီညီညွတ်ညွတ် နဲ့ အတန်း သာယာရေး ကျောင်းသာယာရေး ကို ညီညာဖျဖျ လုပ်ခဲ့ကြတယ်။ ယခုခေတ်လို အတန်းထဲမှ ကြံ့ခိုင် ဖွံ့ဖြိုး ရေး အသင်းဝင်ရတာတို့၊ အတန်းထဲမှာ စောင့်ကြည့်ခဲ့ရတာတို့မရှိပါ။ ကြံ့ခိုင်ဖွံ့ဖြိုးရေးမ၀င်ရင် အတန်း ချမယ် ကျောင်းထုတ်မယ်။ ဒါတွေမရှိပါ။ `သည်ကလေး စာရိတ္တကောင်းရဲ့လား၊ ပညာကောင်းရဲ့လား၊ လူမှုရေး စိတ်ဓာတ်ရှိရဲ့လား´ ဒါတွေ ပဲ တကိုယ်ရည် အရည်အချင်းပေါ်မူတည်ပြီး ကျောင်းက မြှောက်စားတယ်။

သူငယ်အချင်းချင်း ကြား ချစ်ခင်ကြတယ်။ မစော်ကားကြဘူး။ ဆရာတွေ အပိုင်းကလည်း အထက် အာဏာပိုင် ညွှန်ကြားချက် အပိုတွေ မရှိတဲ့ အတွက် ဆရာပီပီသသ အလုပ်ကို လုပ်ပြီး ကျောင်းသားရဲ့ လေးစားကြည်ညိုမှုကို ခံစားကြရတယ်။ တပည့် ကြည်ညိုသလောက် သည်ဆရာဟာ ဆရာပီသ ခဲ့ကြတာ ပါပဲ။ အထက်အမိန့်ပေး စေခိုင်းလို့ မဟုတ်တဲ့ နေရာတွေမှာ အစောင့်ချခံရတာတို့ စာရင်းကောက်ရတာ တို့ လူထုစည်းဝေးပွဲတွေမှာ လိုက်အော်ပေးရတာတို့ ထောက်ခံရတာတို့ အစရှိတဲ့ လူတွေ အကြည်ညိုပျက်စေမဲ့ အလုပ်တွေကို အခိုင်းမခံရပါဘူး။ ဦးနေ၀င်းလက်ထက်က ဆရာတွေကို ရင်ထိုးတွေချိတ်ခိုင်းရာမှာ `ပညာရေးဝန်ထမ်း´ ဆိုပြီး တံဆိပ်ခတ်ခံရတယ်။ တကယ်တော့ ဘယ်တိုင်းပြည်မှာပဲကြည့်ကြည့် ဆရာဟာ ဆရာပါပဲ။ တပည့်တွေကို သင်ကြားပေး၊ ဆိုဆုံးမ ရမဲ့ပုဂ္ဂိုလ်တွေ ဖြစ်တော့ ဆရာ အနေနဲ့ ပဲ အသိအမှတ်ပြုရမှာဖြစ်ပေမဲ့၊ ဆရာ့ရဲ့ ဂုဏ်ရည်ကို နှိမ်ချပစ်လိုက်တယ်။ ပညာရေးဝန်ထမ်းတဲ့။ ပြီးတော့မှ ဆရာတွေကို ၀န်ထမ်းသဖွယ် သူတို့စေခိုင်းရာ ကျွန်တွေသဖွယ် အမျိုးမျိုး ခြယ်လှယ်ပြီး ခိုင်းကြတယ်။ ဒါနဲ့ပဲ ဆရာတွေရဲ့ ပင်ကို ဇာတိ မာန တွေ၊ ဂုဏ်တွေ မရှိတော့ပဲ လခကလည်း နည်း ရတဲ့ကြားထဲ ဇာတိဂုဏ်ပါ နှိမ်ခံရတော့ ဆရာတွေရဲ့ ရုပ်ဟာ ပေါ်မလာတော့ပဲ အနှိမ်ခံ၊ အခိုင်းခံ ရုပ်သေးအမှုထမ်း သဖွယ် အခိုင်းခံရုပ်သေး အမှု ထမ်းသဖွယ် လူကြီးလာရင် လက်အုပ်ချီ ကန်တော့ရတဲ့ အဆင့်ထိ လျှော့ ချခံ ခဲ့ရတော့တာပါပဲ။ ဆရာ ကိုယ်တိုင်ကလည်း တပည့်တွေရဲ့ လေးစားမှုလည်း မရရှိကြတော့ပါ။ အကျင့်ပျက်ချစားခံရတဲ့ ဆရာအမျိုး အစားထဲပါတော့တာပါပဲ။ လခနည်း ၀န်ထမ်းတွေလည်းဖြစ်ပြန်၊ နေစရာ အိမ်တွေလည်းရကြတဲ့ ၀န်ထမ်းတွေ မဟုတ်တော့ ကားအကြိုအပို့လည်း မရှိတော့ ဆရာတွေဟာ နေ့စဉ် ကားခတွေနဲ့ ပိပြီးတော့ မိမိ မိသားစုရဲ့ စားဝတ်နေရေးပြေလည်အောင် အကြံအဖန်လုပ်ကြရပြန်တယ်။ ဒါတွေဟာ ဆရာတွေ လခစား သမားတွေရဲ့ အကျင့်စတင်ပျက်ခဲ့ရတာပါပဲ။ အခြား အမှုထမ်း အကျင့်ပျက်တာ အရေးမကြီးပေမဲ့ ဘာသာ တရားအရ အထွတ်အမြတ်ထားခံရတဲ့ ဆရာတွေကျတော့ ပိုမိုပြီး အပြောခံရတော့တာပါပဲ။ ဒါဟာ အုပ်ချုပ် သူ တွေရဲ့ စံနစ်တွေညံဖျင်းခဲ့လို့ ဖြစ်ခဲ့ကြရတာတွေ ချည်းပါပဲ။ တဆက်တည်း စားဝတ်နေရေး အကြောင်း ပြောရရင်၊ ဦးနေ၀င်းလက်ထက်က စလို့ ယနေ့တိုင် ပြည်သူလူထုတွေဟာ ပုံစံ အမျိုးမျိုး နဲ့ စခန်း သွားရ ရှာကြ ဖွေကြ ရာမှာ အခက်အခဲတွေကတော့ သူ့နည်းနဲ့ သူ ခံကြရတာချည်းပါပဲ။ ကျနော်တို့ ၆၂ နှစ် မတိုင်မီက ရိုးရိုး သားသား ရှာဖွေ ကြလို့ ၀ီရိယ ရှိကြမယ်ဆိုရင် ထမင်းနပ် မှန်အောင် ၀ ၀ လင်လင် စားခဲ့ ကြရပါတယ်။ ငွေရှာရတာ ကလည်း သိပ်အခက် မတွေ့ ခဲ့ရပါဘူး။ စားကုန် ဈေးနှုန်းတွေမှာလည်း ပစည်း တခု အပေါ် အမြတ်ငွေ ၁၀ % မှ ၂၅ % ထိသာ တင်ထားကြပါတယ်။ ယခုလို လူကိုကြည့်ပြီး ဈေးနှုန်းကို အမျိုးအစား တမျိုး အမြတ်ကို အမျိုးမျိုး တင်ထားတာ မျိုး မရှိတော့၊ စားသုံးသူက ကိုယ်ဝယ်စားရမဲ့ ပစည်းကို ဈေးနှုန်း မှန်မှန်နဲ့ ၀ယ်စားခွင့်ရရှိကြပါတယ်။ သည်တော့ စိတ်ဆင်းရဲစရာ မရှိခဲ့ကြပါ။ ဥပမာ မုန့်ဟင်းခါး တပွဲစားမယ် ဆိုရင် ၁၅ ပြား၊ ခေါက်ဆွဲကြော်တပွဲ ငါးမူး စသဖြင့် ဦးနေ၀င်းတက်လာတော့ မြန်မာတပြည်လုံး ကွမ်းယာ ဆိုင်က အစ၊ ရပ်ကွက်ထဲက အိမ်ဆိုင်ပါမကျန်၊ ကုန်ကြီး ကုန်တိုက်တွေ စက်ရုံတွေ ၊ ရုပ်ရှင်ရုံတွေ၊ ကပွဲရုံ တွေ အားလုံး သိမ်းလိုက်တဲ့ အခါ ကျတော့ ဆင်းရဲသား လည်းမွဲတာပဲ သူဌေးလည်းမွဲကြတော့တာပဲ၊ သူတို့ ပြောတာကတော့ နိုင်ငံခြားသား အရင်းရှင် ကုန်သည်တွေ၊ ဘဏ်သူဌေးတွေကို သိမ်းခဲ့တယ်။ ဆိုပေမဲ့ မိမိ လူမျိုးရဲ့ အကျိုးစီးပွား ဆိုင်ကလေးတွေက အစ အကုန်ပါကုန်ကြတော့ အားလုံးမွဲကုန်ကြတော့တာပါပဲ။ အားလုံးကို ပြည်သူပိုင်သိမ်းလိုက်တယ်။ ရှိသမျှ အရင်း အမြတ်တွေဟာ တပ်က အားလုံးယူသွားခဲ့ကြတယ်။ ဘယ်ဗိုလ်ချုပ် ဗိုလ်မှူးတွေ အိတ်ထောင်ထဲ ထည့်ခဲ့ကြသလဲတော့ မသိရပါ။ အဲသည် အချိန်က စပြီး ဦးနေ၀င်းရဲ့ အခြံအရံ အားလုံးကြွယ်ဝ ချမ်းသာကုန်ကြတာပါပဲ။ ဗိုလ်နေ၀င်းတက်လာစက `လူတွေဟာ ဆူကြုံ နိမ့်မြင့် မရှိစေရ အေးအတူ ပူအမျှ ၀ ၀လင်လင် စားကြရမယ်´ ဆိုတဲ့ ဆောင်ပုဒ်တွေဟာ ဗိုလ်နေ၀င်း အာဏာယူပြီးလို့ မကြာခင်မှာပဲ ပျောက်ကုန်ပြီး ကျောင်းကြီး ကျောင်းကောင်းတွေမှာ မိမိတို့ရဲ့ ဆွေစဉ် မျိုးဆက် တွေ ထားနိုင်ကြပြီး ကျန်တဲ့ ဆင်းရဲသား သူဌေးတွေဟာ ဆူကြုံနိမ့်မြင့် မဟုတ်တော့ပဲ နိမ့်ပါး ကုန်ခဲ့ကြရတော့တာပါပဲ။ အဲ တခုတော့ရှိတယ် ယခင်က သူဌေးတွေကလည်း ဆင်းရဲကုန်ကြတော့ နဂိုက ဆင်းရဲတဲ့ လူတွေနဲ့ တသားတည်းဖြစ်နေတဲ့ အချိန်မှာ ဗိုလ်ချုပ် ဗိုလ်မှူးတွေနဲ့ သူတို့ အနွယ်တွေက တော့ လူတန်းစားတလွှာ ငွေရှိ ဂုဏ်ရှိ အာဏာရှိ ဆိုတဲ့ VIP အလွှာတမျိုး ပေါ်ပေါက်ခဲ့ရတော့ နောက်ပိုင်း သည် အလွှာကပဲ နိုင်ငံတခုလုံး က ဆင်းရဲသားတွေ အပေါ် ဂုဏ်မောက်ခဲ့ကြတော့တာပါပဲ။ နေရာတိုင်းမှာ ယခင်က အရပ်ဘက် က လူတွေ ခန့်ထားရတဲ့ (သက်ဆိုင်ရာ ပညာဒီဂရီ ရှိကြတဲ့) နေရာဌာန အသီးသီးမှာ စစ်ဘက်က အရာခံဗိုလ်က အစ ဗိုလ်ကြီး ဗိုလ်မှူးကြီး တွေ အထိ အထူးအရာရှိ ဖြစ်ကုန်လာကြတယ်။ အရပ်ဖက်က လူတွေကတော့ပညာတတ်တွေ ကို ညွှန်ကြားချက်များပေးပြီး လမ်းညွှန်မှာကြားတော့တာပါပဲ။

သည်အချိန်က စပြီး ဌာနဆိုင်ရာ တွေမှာ တာဝန်ကို နှစ်ရှည်လများ ထမ်းဆောင်ခဲ့ကြရတဲ့ နှစ်ကြီးသမား တွေဟာ အလိုအလျောက် ဌာနဆိုင်ရာ ဒုတိယ ဆင့် အရာရှိများ အဖြစ်နဲ့ ဗိုလ်ကြီး ဗိုလ်ကလေးတွေရဲ့ အောက်မှာ ဆက်လက်လုပ်ကိုင်ခဲ့ရင်း လမ်းညွှန်ချက်များကို သိသိချင်းခံနေကြရတော့ မပျော်ပိုက်တော့။ သည်တော့ အကုန်ထွက်ကုန်ကြပြီး နိုင်ငံရပ်ခြားသို့ သွားရောက်လုပ်ကိုင်ကြရန် စဉ်းစားပါတော့တယ်။

ဒီအခါမှာ ပညာတတ်တွေ အတတ်ပညာရှင် တွေရဲ့ ဦးနှောက်ယိုစီးမှုတွေ စတင်ခဲ့ပြီး တိုင်းပြည်အတွက် နစ်နာဆုံးရှုံးမှုတွေ စကြရတော့တာပါပဲ။

ဗိုလ်နေ၀င်းတို့ V.I.P အုပ်စုကတော့ တစ တစ ပိုအားကောင်းလာပြီး နစ်နာလေ ဖြစ်ကြ ရတော့ တာပါပဲ။ ဗိုလ်နေ၀င်းကိုယ်တိုင်လည်း ကောဠာဟာဠ တွေ အရ ဘုရင်မင်းမြတ်သဖွယ် အရှိန်အစော် တွေ ကြီးမြတ်တဲ့ စိတ်တွေဝင်လာပါတော့တယ်။ သူရဲ့အချွေအရံမင်းနားခစားရတဲ့ လူတွေအားလုံးက မှန်ပ ဘုရား လုပ်ရင်း တိုင်းပြည်လည်း ဆင်းရဲတွင်း နက်ကြရတော့တာပါပဲ။ ဒါပေမဲ့ သူတို့ရဲ့ မဆလ ပါတီဟာ ဘုရင်ကို ချီးမြှောက်ပြီး ယင်းချီးမြှောက်ရင်းကနေ တိုင်းပြည်လည်း ပတ်ဝန်းကျင်က တိုင်းပြည်တွေနဲ့ ယှဉ်ရင်း တိုးတက်မှုက နှေးကွေးဆုံးအဆင့် ကနေ အဆင်းရဲဆုံး အဆင့်ကို ထိုးကျသွားရတော့တာပါပဲ။ ဘာပဲဖြစ်ဖြစ် နေ၀င်းဖြတ်သန်း ခဲ့တဲ့ ကာလတလျှောက်မှာ ကျောင်းသား၊ အလုပ်သမားတွေရဲ့ သွေးတွေ ချွေးတွေ အများကြီး ကျခဲ့ရပါတယ်။ လုံထိန်းတွေ စစ်တပ်တွေရဲ့ လူမဆန်သတ်ဖြတ်မှုတွေအောက် သေကြေ ခဲ့ကြ ရပါတယ်။ ဒါနဲ့ ၈၈ အရေးအခင်းစတင်ခဲ့ပါတော့တယ်။ ဒါဖြင့်နေ၀င်းခေတ်ကို အနည်းငယ် ပြန်ပြောင်း ကြည့်ရင် ပြည်တွင်းရှိ V.I.P လူတန်းစားတရပ်ပေါက်ဖွား (အာဏာနှင့် ဓန ပေါင်းစပ်လာခြင်းနှင့် အတူ) နိုင်ငံခြားသားတွေကို အဓိက ထိုးနှက်တာပါ ဟု ကြွေးကြော်ရင်း အာဏာယူလာတဲ့ ဗိုလ်နေ၀င်းအစိုးရ မဆလ အစိုးရဟာ တကယ်တော့ နိုင်ငံတွင်းမှာရှိတဲ့ မြန်မာအနည်းငယ် လူချမ်းသာနှင့် များပြားလှသော မြန်မာဆင်းရဲသားအားလုံးကို နံငယ်ပိုင်းလောက်ပဲ ကျန်အောင် တကိုယ်လုံးချွတ်ခွာခဲ့ပြီး မ၀ ရေစာ ဖြင့် နှစ်ပေါင်း ၂၆ နှစ်တာ ဖြတ်သန်းစေခဲ့တယ်။ အာဏာနှင့် ငွေဂုဏ်ကိုထပ်ထားတဲ့ တိုင်းပြည်တပြည်လုံး နစ်မွန်းခဲ့ရတယ်။ ပညာရေးချွတ်ခြုံချမှုနှင့် အနုပညာသည် တို့မှာ လူတစုစာ ဖြေဖျော်ရေးသာ ဖြစ်ခဲ့ရမှု အကျိုးများသာ ခံစားခဲ့ကြရပါသည်။ သည်ဒဏ်တွေကို မဆလ လည်း အများစု (သူတို့ကိုယ်တိုင် မဆလ အဖွဲ့ တစ်ဖွဲ့လုံး) ပြန်လည်ခံစားနေရပြီ ဖြစ်ပြီး မဆလ တာဝန်ခံကြီး ကိုယ်တိုင်ရဲ့ အသုဘမှာ လူမရှိပဲ ကြက်ပျောက် ငှက်ပျောက်သွားရတဲ့ အဖြစ်တွေဟာ သံဝေဂ ရ စရာတွေ ဖြစ်ခဲ့ပါတယ်။ ယခုလည်း မဆလ တွေဟာ မျက်နှာမပြရဲတော့တဲ့ ဘ၀တွေ နဲ့ ရင်ဆိုင်နေခဲ့ရတယ်။ မဟုတ်ပါလား။ လူထုရဲ့ မျက်ရည် တိုင်းပြည်ရဲ့ ဘေးဆိုးကျရတဲ့ ဒဏ်တွေကို V.I.P လူတန်းစားတွေလည်း ခံနေကြရပြီ ဆိုတာပါ။

၆၂ ခုနှစ်မတိုင်မှီကို ပြန်သွားကြည့်ရရင် အထက်က ရေးခဲ့တဲ့ အတိုင်း၊ ဆင်းရဲသား ချမ်းသာတဲ့ လူတွေဟာ ကိုယ့်ရှိတဲ့ ငွေရေးကြေးရေးလောက်နဲ့ မျှတပြီး ၀ယ်ကြ ခြမ်းကြ စားသောက်နေခဲ့ကြရမှာ ဈေးနှုန်းကလည်းမှန် အတက်အကျကလည်း သိပ်မရှိလှတော့ တနည်းပြောရရင် လူတကိုယ် ၀ီရိယ ရှိရင် စားနိုင်သောက်နိုင် တဲ့ ခေတ်ပါ။ ဥပဒေ ရဲ့စောင့်ရှောက်မှု အောက်မှာ လုပ်စားခဲ့ကြရတာဆိုတော့ ကိုယ်က မရိုးမဖြောင့်တာ ခိုးတာမရှိရင် ဘာမှ မဖြစ်ပါဘူး။ နိုင်ငံရေးပါတီဝင်ဝင် မ၀င်ဝင် ဒါလည်း အရေးမကြီး ဘူး။ နိုင်ငံရေးပါတီဆိုတာဆိုတာကလည်း ကိုယ်စိတ်ဆန္ဒအရ ၀င်ချင်မှဝင်ရတဲ့ ကိစပါ ။ ဒါပေမဲ့ မဆလ လက်ထက် မှာတော့ ပါတီဝင်ဖို့သိမ်းသွင်းမှု တွေ အများကြီးရှိခဲ့ပါတယ်။ လမ်းစဉ်ပါတီ၊ လူငယ့်ရေးရာ လမ်းစဉ်လူငယ် စသည် အဖွဲ့အစည်းတွေ ၀င်ပါမှ ရာထူးတိုးတာ သင်တန်းတွေ အခမဲ့ တက်ခွင့်ရတာ စတဲ့ အခွင့်အရေးတွေနဲ့ မျှားပြီး တဘက်ကလည်း ခြိမ်းခြောက် မှုကလေးတွေ အတန်ငယ်ရှိလာခဲ့ပါတယ်။ ပါတီကောင်စီ ခေတ်ဟာ ပါတီကောင်စီ လူကြီးတွေကို ကြောက်ရတဲ့ သဘောပါပဲ။ ရပ်ကွက်ကောင်စီက အစပါပဲ။ ဒီနေရာမှာ လူရဲ့ လွတ်လပ်ခွင့်ဆိုတာ စတင်ဆုံးရှုံးစ ပြုနေပါပြီ။ တရားသူကြီး အဖွဲ့ဝင် ရှေ့နေ ရှေ့ရပ် တွေကလည်း သည် မဆလ က ခန့်ထားတဲ့ ဥပဒေဘွဲ့တောင်မရထားတဲ့ (နောက်မှ ဥပဒေကို ပြန်တက်ခိုင်း) ပါတီဝင်တွေကိုပဲ ခန့်ထားခဲ့တော့၊ တရားဥပဒေကိုယ်တိုင်က ဘက်လိုက်နေခဲ့ပြီဆိုတော့ နေမှု ထိုင်မှု တွေဟာ အလိုလိုကို စတင်မလုံခြုံတော့ဘူး။

အခုခေတ်လို တရားသူကြီးချုပ်တို့ ဘာတို့ ဆိုရင် မင်းမိန့်အာဏာ ကဲ့သို့တည်သော

`နိုင်ငံတော် အကြီးအကဲက....´

` နိုင်ငံတော်အကြီး အကဲက .....´

`နိုင်ငံတော်အကြီးအကဲက.....´ စသဖြင့် ဘာကလေးပဲ ဆောင်ရွက် ဆောင်ရွက် အမျိုးသမီး စွမ်းဆောင်ရှင် များ အဖွဲ့ သည်အဖွဲ့ထဲ အတင်းအကြပ် အတင်းဆွဲသွင်း တံဆိပ်တပ် ထိုနည်းတူ အစိုးရ၀န်ထမ်းတွေကိုလည်း ဆွဲသွင်း လိုသလို ခေါ်သုံး စတာတွေဟာ လူတစ်ဦးရဲ့ ဆန္ဒမပါပဲ လွပ်လပ်ခွင့်တွေကို နင်းချေပစ်လိုက်တာ ပါပဲ။ မ၀င်ရင် ဆန့်ကျင်ဘက် အမြင်ဆိုးနဲ့ တိုင်းပြည်သစာဖောက် အဖြစ်တံဆိပ်အကပ်ခံရပြီး နည်းမျိုးစုံနဲ့ ဖမ်းဆီး ပညာရေးဘက်မှာဆိုလည်း စာမေးပွဲချပစ် ကျောင်းဝင်ခွင့် ပိတ်.... စတာ တွေဟာ ပြည်သူပြည်သား တစ်ယောက်အတွက် အလိုအလျောက် ဆုံးရှုံးနစ်နာရတာ တွေပါ။ လူတစ်ယောက်ရဲ့ အခွင့်အရေး ဘယ် လောက်ဆုံးရှုံးရသလဲ ဆိုတာ ရယ်၊ ကိုယ့်လူမျိုးက အုပ်ချုပ်တော့မှ လက်အုပ်ချီကန်တော့ရတော့တယ် ဆို တာတွေဟာ ကိုလိုနီတို့ ဂျပန်ခေတ်တို့က တောင် ဘုရင်မင်း တရား ကြီးရဲ့ ဘုန်းရှိန် ကံရှိန်ကြောင့် ဆိုတာ မျိုးလည်း နိုင်ငံတော်အကြီးအကဲ ကြီးကို အရိုအသေပေးပြီးမှ ဆောင်ရွက်ရတဲ့ ဥပဒေမျိုး၊ ဘယ်လို လုပ် သည်တရားဥပဒေက ဘက်မလိုက်ပဲ ရှိပါတော့မလဲ။ တရားဥပဒေဘက်တော်သားတွေ(ရဲအမှုထမ်းတွေ) ရှိပါလျက်၊ ဒါတွေထုတ်မသုံးပဲ ရပ်ကွက်မြို့နယ်တွေရဲ့ အရေးအရာ ကိစ ကြီးငယ်မှာ လူမှုရေးဖက်မှာ စွက်ဖက်၊ ပညာရေးမှာ လည်း စွက်ဖက်ပါဝင်နေကြတဲ့ ကြံခိုင်ဖွံ့ဖြိုးရေးအသင်း ကောက်သင်းကောက် လူမိုက်အဖွဲ့ ဖြစ်တဲ့ စွမ်းအားရှင် အရံမီးသတ်၊ ကြက်ခြေနီ၊ ဦးကျိုးအောင် နှိမ်ချခိုင်းခဲ့တာမျိုး မရှိခဲ့ပါဘူး။ အခြားတဘက်မှာတော့ န၀တ ဟာ စကားကို ပြောင်းပြန် ကျင့်သုံး ပြောလေ့ရှိပါတယ်။ တပါတီ ကောင်းစား ရေးကို ခွင့်မပြုနိုင်ဘူး။ အမျိုးသားနိုင်ငံရေးလုပ်တယ် ဘာညာနဲ့ စကားလုံးလှလှကလေးတွေ သုံးပြီး တဘက် အဖွဲ့ အစည်းမှန်သမျှ လူပုဂ္ဂိုလ်မှန်သမျှ အစွန်းဆုံး ပြောရရင် ဗိုလ်ချုပ်အောင်ဆန်းကိုတောင် ကျေးစွပ်ကြတဲ့ စစ်တပ်အစိုးရဆိုလျှင် မှားမယ် မထင်ပါဘူး။

သူတို့ပိုင်တဲ့ သတင်းစာ၊ ရေဒီယို၊ တယ်လီဗေးရှင်း တွေထဲမှာ မီဒီယာနဲ့တိုက်ရမယ်ဆိုတဲ့ မူအတိုင်း တဘက်က လူပုဂ္ဂိုလ် အဖွဲ့အစည်းတွေကို စောင်းချိတ်ပြီး ရေးသားတာတို့ ပြောတာတို့ ခြိမ်းခြောက်တာတို့ ဆိုတာတွေဟာ၊ လူကြီးလူကောင်းမဆန်တဲ့ အရာတွေပဲ ဖြစ်ပါတယ်။ သူတို့ဘက်ကျတော့ သူတော်ကောင်း သည်နေ့နက်ဖြန်ပဲ နိဗာန်ဘုံရောက်မဲ့ အတိုင်း တိုင်းပြည်အပေါ် ဘယ်လောက်သစာရှိရှိ စွမ်းဆောင် နေကြောင်း တဘက်အသင်း အဖွဲ့တွေကိုတော့ လူထုအတွက် ဘာမှ အကျိုးပြုလုပ်ငန်းတွေလုပ်ပေးလို့လည်း ဘာလဲညာလဲ ဆိုပြီး ပုတ်ခတ်တယ်။ တဘက်အသင်းအဖွဲ့ ပုဂ္ဂိုလ်တွေ အလှူလုပ်ရင်လည်း ဖမ်းတယ်။ တားမြစ် နှောင့်ယှက်တယ်။ ဘာကိုမှ လှုပ်ရှားလို့မရအောင် ခြိမ်းခြောက် အကြပ်ကိုင် ထောင်ထဲထည့် လူမဆန်တာတွေ အကုန်လုံးသူတို့က လုပ်ကြတာ။ ငပြူးကပြောင်းပြန် လုပ်ပြီး မီဒီယာထဲမှာ ထည့်ရေး ကြတာ။ ယိုသူမရှက် မြင်သူရှက်ဆိုသလို ဖြစ်နေပါပြီ။

ပညာရေးလိုပဲ ကျန်းမာရေးဘက်က ကြည့်ရင်လည်း ပြည်သူလူထုအတွက် အစိုးရက တာဝန်ယူရမဲ့ စောင့်ရှောက်မှုတွေ မရှိပဲ စားဝတ်နေရေးအမှောင်ကျနေရတဲ့ အချိန် ဆေးဝါးကုသမှု မခံနိုင်လို့ သေရတဲ့ လူတွေ အများကြီးရှိပါတယ်။ ကိုယ်ထူကိုယ်ထ ဆေးခန်း၊ စေတနာဆေးခန်းတွေ ပေါ်ပေါက်ခဲ့ပါတယ်။ ကျန်းမာရေး စောင့်ရှောက်မှု အစိုးရရဲ့ လျစ်လျူရှုမှုကြောင့် မနေသာတဲ့ လူတွေက စေတနာ သဒ္ဒ္ဒါနဲ့ လုပ်ခဲ့ကြတာပါ။ ဒါတောင် သူတို့အသိပေးရတယ်။ အသိမပေးရင် စေတနာဆေးခန်းတွေ လူနာစောင့်ရှောက် ခွင့် တွေကို ရုပ်သိမ်းတတ်တဲ့ စဉ်းလဲတဲ့ ဦးနှောက်ပိုင်ရှင်အစိုးရ တစ်ရပ်သာ ဖြစ်ပါတယ်။

နိုင်ငံရပ်ခြားမှ လာရောက်ဖွင့်လှစ်တဲ့ ဆေးရုံများမှာတော့ ငွေကြေးတတ်နိုင်ကြသူတွေအတွက် ဖြစ်လေတော့ ဆင်းရဲသား လူထုကြီးက မကပ်နိုင်ပါဘူး။ ဖြစ်လာရင်သေဖို့ပဲ ရှိပါတော့တယ်။ ကျနော်တို့ ငယ်စဉ်က စာပေနှင့် ယဉ်ကျေးမှု အနုပညာရေးရာတွေ ဖြစ်တဲ့ သဘင်၊ ဂီတ၊ ပန်းချီ တို့ဟာ လွတ်လွတ် လပ်လပ် ရေးဆွဲပြသခွင့်တို့ ကခွင့်တို့ ရှိကြရာ၊ ရပ်ကွက် မြို့ရွာတွေမှာ အငြိမ့်ပွဲ ဇာတ်ပွဲတွေ ခြိမ့်ခြိမ့် သည်းသည်း ပဲ သတင်းကျွတ် တန်ဆောင်တိုင် ဆိုရင်လည်း ညနေခင်း ခြေခင်းလက်ခင်းသာတဲ့ အချိန် သွားရောက်ကြည့်ရှုရတာ ပျော်စရာအတိ ဖြစ်ခဲ့တယ်။ သင်္ကြန်ဆိုရင်လည်း အလှပြယဉ်တွေမှာ အက အခုန်၊ သံချပ်၊ သီချင်းတွေနဲ့ ပျော်ခဲ့ကြရတယ်။ မဏ္ဍပ်တွေကလည်း စည်စည်ကားကားပါဘဲ။ လွတ်လပ်တဲ့ အရသာ ကို အပြည့်ရကြပါတယ်။ ပွဲကိုလာရောက်နှောင့်ယှက် တာတို့ ပိတ်ပင်တာတို့ မရှိပါဘူး။ ယခုခေတ် မှာတော့ ပွဲတော်မကရသေးဘူး။ ပါမစ်လည်း မပေး ကပွဲမှာပြောမဲ့ ဆိုမဲ့ အရာတွေကိုစီစစ်ချလိုက်တော့ ဘာမှ အနှစ်သာရ မရှိရတော့ဘူး။ ယခင်က ပုဂ္ဂိ္ဂိုလ်ရေး ရန်ဖြစ်ကြလို့ ရဲက ဖမ်းဆီးတာလောက်ပဲရှိတော့တယ်။ ပွဲကို ပိတ်တာမရှိပါဘူး။ သည်ခေတ်မှာ ပျော်စရာရယ်ဆိုလို့ အင်းလျားကန်စပ်တနေရာက မဏ္ဍပ်တွေပဲ ရှိတယ်။ ဒါကလည်း ငွေရှိ ဂုဏ်ရှိ မော်တော်ကားရှိကြတဲ့ သူတွေအတွက် အပျော်သက်သက်ရေကစားတဲ့ လူချမ်းသာ မဏ္ဍပ်တွေပဲ ဖြစ်ပါတယ်။ ဆင်းရဲသားရပ်ကွက်တွေမှာ ဘာပျော်ရွှင်မှုမှ မရှိပါဘူး။ ခြောက်ကပ်ကပ်နဲ့ တနှစ်တာရဲ့ ပင်ပန်းနွမ်းနယ်မှုတွေ ရေမစိုလိုက်ရပဲ ပြီးသွားတော့တာပဲ။ ယခင်ကဆိုလျှင် ငွေဖလား၊ ငွေဒိုင်းတွေ တင်ထားပြီး ကပြဖျော်ဖြေရန် ရောက်လာမဲ့ အလှပြယဉ်တွေ၊ သည်ယဉ်တွေပေါ်က အကသမား၊ အဆိုသမားတွေ၊ သံချပ်တိုင်မဲ့လူတွေ၊ အပြည့်နဲ့ ဘေးပတ်ဝန်းကျင်မှာ လည်း အနီးပတ်ဝန်းကျင်က ဆင်းရဲတဲ့ ရပ်ကွက်သူ ရပ်ကွက်သားတွေ ၀ိုင်းဝန်းကြည့်ရှုနေကြတဲ့ မြင်ကွင်းဟာ၊ ကြည်နူးစရာပျော်ရွှင်စရာ တွေပါပဲ။ ၁၉၆၂ ခုနှစ် တပါတီ အာဏာရှင်တော်လှန်ရေးကောင်စီ အစိုးရတက်လာပြီးတဲ့ နောက်ပိုင်းမှာတော့ သည်မြင်ကွင်းတွေဟာ တစ တစနဲ့ ပျောက်ခြင်းမလှ ပျောက်ကွယ်ခဲ့ရပြီး ယခုခေတ်မှာ တော့ စောစောက ပြောခဲ့တဲ့ အတိုင်း ဇိမ်ခံရေပက် မဏ္ဍပ်ကြီးများသာရှိပါတော့တယ်။ နှစ်ဦးကို မြန်မာတမျိုးသားလုံး မကြိုဆို နိုင်တော့ ပါဘူး။ ဘုရားပွဲတော်များမှာလည်း ယခင်က စည်ကားခဲ့တဲ့ အငြိမ့်တို့ ဇာတ်ပွဲတို့ မှာလည်း ညနေချမ်းလျှောက်ပြီး လည်ပတ်စရာ ပျော်စရာလေးတွေ မရှိတော့ပါဘူး။ ရပ်ကွက်ကောင်စီ၊ မြို့နယ် ကောင်စီ၊ တိုင်းကောင်စီတွေအထိ ပွဲမိန့်ကျဖို့ အဆင့်ဆင့် တင်ပြပြီးမှ ပွဲတော်ကျင်းပခွင့်တွေ ရတော့၊ ရပ်ကွက် မြို့နယ်တွေမှာ ပွဲတွေ မကျင်းပကြတော့ပါ။

၆၂ ခုနှစ်နောက်ပိုင်း၊ လူတိုင်း လူတိုင်း မိမိတို့ရဲ့ တကိုယ်ရည် အခွင့်အရေးတွေ ဆုံးရှုံးကြရတဲ့ သဘောဆောင်ပါတယ်။ ကျနော်တို့ ကျောင်းသားဘ၀၊ ဆရာဖြစ်စဘ၀ ၁၉၆၂ ခုနှစ်မတိုင်မီက ဆိုရင် မိမိတို့ ၀ါသနာပါရာ အစုအဖွဲ့ကလေးတွေ ဖွဲ့ပြီး တိုးတက်ရာ တိုးတက်ကြောင်းတွေကို ရှာဖွေကြတယ်။ ဥပမာ စာကြည့်တိုက်ထောင်တာတို့ သာရေးနာရေးအဖွဲ့တို့ ကာယဗလနဲ့ သိုင်းအဖွဲ့ ဘောက်ဆာအဖွဲ့....... စသည်ပေါ့။ နောက်ပြီး လူထုလူတန်းစားအလိုက် ဆရာသမဂ္ဂ၊ သဘင်အဖွဲ့၊ ကျောင်းသားသမဂ္ဂ၊ အလုပ်သမား လယ်သမား သမဂ္ဂ......စသည်ဖွဲ့ကြပြီး၊ မိမိအသင်းအဖွဲ့ သမဂ္ဂတွေရဲ့ လိုအပ်ချက်တွေကို တင်ပြကြ။ တိုးတက်အောင်လုပ်ဆောင်ကြတယ်။ ယခုခေတ်လို ရပ်ကွက်ကောင်စီ၊ စာပေစီစစ်ရေး စသည်တို့ကို တင်ပြစရာမလိုဘူး၊ လျှောက်ထားစရာမလိုဘူး။ ဒါပေမဲ့ သည် အတင်းအဖွဲ့တွေက မတရားတာတွေရှိခဲ့ရင် ဥပဒေနဲ့ငြိစွန်းတာတွေရှိတော့မှ တရားဥပဒေ သဘောအရ လူတစ်ဦးချင်း သော် လည်းကောင်း၊ အသင်းအဖွဲ့ လိုက်သော်လည်းကောင်း၊ ဖမ်းဆီးခွင့် တရားစီရင်ခွင့်တွေ လုပ်ခဲ့ကြတာ။ ဒါကလည်း ရှားပါးပါတယ်။ အခုခေတ်မှာတော့ ကြိုတင်လျှောက်ထားရပြီး မိမိ အစိုးရအဖွဲ့နဲ့ မသင့်သူ ပေါ်လာရင် ဥပဒေ သဘောအရ မဟုတ်ပဲ လုပ်ကိုင်ခွင့်တွေကို ပိတ်ပင်ကြတော့တာပါပဲ။ တဖန် သူတို့ဖက်ကျတော့ တရားဥပဒေဘောင် အတွင်းက မဟုတ်ပဲ တရားဥပဒေသဘောလိုလို၊ သူတို့ကိုယ်တိုင်က အမိန့်အရဖန်တီးထားတဲ့ လိုလျှင်လိုသလို မလိုလျှင်မလိုသလို ဥပဒေကို အမျိုးမျိုးပြင်ဆင်ပြီး ဖမ်းကြတယ်။ ဒါဟာ အစိုးရကိုယ်တိုင်က ဥပဒေ သဘောကို ချိုးဖောက်နေကြတာပါဘဲ။

နောက်ပြီး သူတို့လိုချင်သလို သုံးလို့ရအောင် သူတို့ကို ထောက်ခံနိုင်အောင် လူစုလူဝေးလုပ်လျှင် ဆင့်ခေါ်လျှင် လွယ်အောင်လူထုလူတန်းစားကောင်စီတွေ အမျိုးမျိုး ဖွဲ့ထားပြီး အစိုးရထောက်ခံပွဲတွေမှာ ကြိုက်သလို ဆင့်ခေါ်တာပဲ။ သည် အဖွဲ့တွေက သူတို့ရဲ့ အမာခံအဖွဲ့၊ ကြံဖွံ့(တပြည်လုံးကိုဆွဲသွင်းထားတဲ့) အဖွဲ့၊ စွမ်းအားရှင် ၀ါးရင်းတုတ်အဖွဲ့၊ အရေးပေါ်လူနာတွေကို မကူညီတဲ့ ကြက်ခြေနီအဖွဲ့၊ ရပ်ရွာမီးလောင်လျှင် မတွေ့ရတဲ့ အရံမီးသတ်အဖွဲ့၊ သဘင်ကောင်စီ၊ ရိုးရာပန်းကောင်စီ၊ ဂီတကောင်စီ၊ အမျိုးသမီး စွမ်းဆောင်ရှင်များအဖွဲ့....... ကုန်သည်ကြီးများအဖွဲ့ .....စသည်....စသည်အဖွဲ့များမှာ တပ်မတော် အစိုးရက လိုလျှင်ဝိုင်းဝန်းထောက်ခံ အော်ပေးရသော အဖွဲ့များသာ ဖြစ်ပြီး၊ သက်ဆိုင်ရာ အစု အဖွဲ့တွင်းရှိ လူထုအတွက် ဘာ အကျိုးမှဆောင်ရွက်ပေးခြင်းမရှိပါ။ အားလုံးကိုခြုံကြည့်ရလျှင် အစိုးရ စ်ရပ်သာ မှန်သော်လည်း တိုင်းသူပြည်သားအတွက် အနည်းငယ်မျှ ပြန်လှန်စာနာကြည့်ရှုခြင်းမရှိတဲ့ ကိုယ်ကျိုးအတ္တသာ များပြီး မိမိတို့ရဲ့ အာဏာများကို အဆင့်ဆင့် အောက်ဆုံးအခြေ ရယက တွေအထိ မောက်မာသူများသာဖြစ်ပါကြောင့်။

ယခုရေးသားချက်များသည် ကျွန်ုပ်တို့ငယ်စဉ်က နေခဲ့ရသည့် အေးချမ်းသာယာမှုမှ ၆၂ ခုနှစ်အလွန် ကြုံခဲ့ရသည့် အကျဉ်းမျှ အကြောင်းအရာများသာဖြစ်ပြီး၊ ၈၈ အရေးအခင်း၊ ရွှေဝါရောင်တော်လှန်ရေး၊ နာဂစ်လေမုန်တိုင်း ဒဏ်ခံကာလ အခြေအနေအတွင်း တပ်မတော်အစိုးရ၏ အော့နှလုံးနာစရာများ ထည့်သွင်းရေးသားထားခြင်း မပါဝင်ကြောင်း။ ၎င်းတို့ကို စုပေါင်း အချက်အလက်များရှာဖွေ ဟောပြောနေသည်များကို ခနခန ကြားရပြီးဖြစ်သည်။ ကျနော် ပင်စင်စားတလလျှင် ၁၁၀၀၀ ကျပ်ရတဲ့ လူတယောက်အနေနဲ့ ထပ်မံမချဲ့လိုပါကြောင်း ကျန်ရှိနေသည့်အပိုင်းများမှာ လူတိုင်းသိပြီးဖြစ်ကြကြောင်း။

တော်သေးပြီ။

ပင်စင်စား

ပင်စင်စားတစ်ဦး၏ ဘ၀ဖြတ်သန်းမှု ခံစားမှုအတိုအထွာများ။